Where Buddha Bar

Open Now

Now Closed

周末同朋友行開尖沙咀，想搵個地方，飲吓嘢放鬆吓！見到好多人都推薦呢一間，裝修真係全部關於佛，都幾有中國feel🏮，座位都坐得好舒服，最鍾意佢嘅戶外區!白酒(Le Panche, Semillion)聞落有種獨特香氣，而入口個白酒好清爽，口感都好柔和，飲落口啲酒味慢慢散出來，仲有一種回甘!紅酒(Jumpin Jack Cabernet Merlot) 🍷 呢杯紅酒嘅口感好順口，感覺好柔和，一邊飲一邊配鱈魚乾，唔覺唔覺就會飲晒，都幾適合啲唔想飲酒嘅朋友仔試吓!醬燒豆腐香氣四溢! 嫩滑的豆腐為基礎，燒過嘅豆腐，口感依然柔軟，入口即化，外皮多咗一種鬆脆嘅口感，醬汁亦都調配得好好，成件事好夾!鱈魚乾🐟 佐酒小食! 鱈魚乾依然保留到魚嘅鮮香味，好脆口，點上少少辣嘅蛋黃醬，真係令人食唔停口，真係送酒一流！燒雞軟骨/雞軟骨餃子棒🐔 雞軟骨燒完，質地依然鮮嫩多汁，每一口咬下去都有濃郁嘅雞肉香氣同軟骨嘅嚼勁! 而燒雞軟骨餃子棒就結合咗燒雞軟骨同餃子嘅獨特風味，餃子棒外層酥脆，內裡包裹著免治肉同雞軟骨，帶嚟口感上豐富嘅層次感。燒牛舌心🐮 外層喺一層微焦的外皮，有烤香的味精，但咀嚼時唔需要好費力，因為唔會好乾