Siam 28 (中國保險大廈) (Closed)

FD一直有幫襯哩間銅鑼灣分店，睇到佢開咗尖沙咀分店，約埋我一齊試試。分店裝修得幾有新意，滿眼都係綠色，好清新TIM。龍眼冰，入口微甜，龍眼味好重，解辣一流。椰子蝶豆花沙冰，哩杯好靚，中間係椰子冰，下面係蝶豆花水，全部撈埋一齊，入口微冰，淡淡椰子味，好清爽。小食層層架，有沙爹雞肉串，泰雞翼，芝士蝦餅，泰豬肉腸同埋素春捲五款，最鐘意食沙爹雞肉串，雞肉有碳烤微香，入口有少少甜味，點埋沙爹醬好惹味。芝士蝦餅，食果陣一定要小心，真會爆曬芝士出來。脆炸牛舌伴泰式海鮮醬，牛舌好大一份，皮炸到好脆，牛舌食落都好嫩，唔洗點醬已經好夠味。泰式濕炒海鮮“停頓”之面，FD勁推薦哩款，造型又真係好得意，好似麵條掛住係空中。海鮮品種都幾豐富下，有蝦，蜆同魷魚等，全部撈埋一齊食幾好味。哩間餐廳真係唔錯，以後尖沙咀又多一間泰國菜食堂TIM。