祥仔辣辣 (海運大廈) (Closed)

好耐無食酸菜魚，見到依間餐廳有海景又有得選擇酸菜魚辣度，就過黎試一試。餐廳以紅黑色為主調，裝修得好有格調，而且座位寬闊，窗邊位仲可以飽覽維港海景～✨辣辣招牌二人套餐✧前菜、 招牌菜及甜品✧可選擇走辣、微辣、中辣或大辣❀ 前菜：酸辣紅海蜇花、招牌口水雞海蜇及萵筍好爽口，配埋紅油及芝麻，食落好清涼。而口水雞既肉質好滑嫩，睇落好辣，但食落唔太辣❀ 招牌菜：招牌祥仔酸菜魚(微辣)、宮保蝦仁、自家酸菜炒肉末配薄餅、干鍋福建椰菜花酸菜魚肉質鮮嫩，配以大量酸菜、蓮藕片、萵筍及芽菜，味道唔錯。魚有少少骨，係可接受既範圍內。酸菜魚叫左微辣，佢係眾多菜式中麻辣度最為突出，酸度適中，可惜係無配埋薯粉。宮保蝦仁味道酸酸甜甜，而且蝦仁都好爽口，係一道好開胃既小菜。自家酸菜炒肉末配薄餅既餅皮好薄，而且係微溫，配埋酸菜肉碎味道幾夾。干鍋福建椰菜花加左好多辣椒一齊炒，但食落唔太辣，椰菜花好爽脆，帶點麻香❀ 甜品：腿果露配湯圓腿果露質地稠身，味道好香甜，配有兩粒芝麻湯圓，口感軟糯❀ 迷你核桃包核桃包入面有滿滿既核桃餡，甜而不膩❀ 緋紅蔓舞外形似足辣椒仔，創意十足～飲落偏重紅莓味，酸味較重❀ 竹蔗茅根沙冰沙冰同樣以辣椒既