海南少爺 (Closed)

放假同媽咪去海港城行街去咗海南少爺食星馬菜部分座位可以望到海景一路食野一路望住都幾寫意🔸海南雞飯拼海鮮喇沙 $138 (+$8轉雞髀)呢個餐相當豐富，有齊海南雞、油飯同喇沙！雞肉嫩滑肥美，份量都幾多，點埋醬料食更惹味，最愛黑醬油！雞飯油香氣十足， 米飯粒粒分明，喇沙湯頭惹味，帶點微辣，麵底係滲滲麵，油麵溝米粉口感一流！🔸馬來西亞肉骨茶 $178藥材味濃厚，五選二嘅配料揀咗排骨同豬腩肉，另外仲配上幾款索汁嘅配料：響鈴、豆卜同魚皮等，索哂肉骨茶湯汁食好惹味🔸沙嗲拼盤 $118豬同牛各有3串，都幾大串！雞肉幾嫩，口感唔錯，點埋醬汁食好好食，整體幾濃味