Video
Read full review
2022-06-10
2769 views
星級川菜名廚- 陳啟德「德哥」師傅，知道佢首次同「點一龍」合作，炮製以「川味」為主題嘅11道特色川菜。 專登約都鍾意食辣嘢同川菜嘅朋友來「點一龍」來捧場試試。餐廳設計以中國紅為主題，中間有個好大嘅紅色中式燈籠大燈同屏風， 設計時尚高貴，充滿中國古典風。 餐廳樓底高，好有空間咁，同朋友傾偈唔會比隔籬位聽到。 今次試咗6款「川味」菜式，唔同嘅餸配搭唔同嘅辣度。 辣得過癮！由前菜、主菜到點甜， 價錢由最低$38去到最高嘅$148，價錢相當親民。夫妻肺片($88）廚師刀工非常厲害可以切到牛肚同牛舌都非常之薄，肉質爽嫩彈牙，好吸辣椒汁嘅味。麻辣味道超出，辣度正常唔會搶咗牛嘅味道。水煮牛肉 （$148）辣到中間，麻味唔算太強烈。牛肉片感覺用發粉嗱過。 所以牛肉片發到比較脹。 唔算太入味，牛肉同辣椒油發開左。水煮牛肉入面，伴有好多有牙嘅黃豆作配菜。用來作清熱解毒返牛肉同辣椒。滋味酸菜魚 （$148）平時食開酸菜魚都係用新鮮魚片或者桂花魚來製作。而該店嘅酸菜魚係用龍利柳來製作。有豆卜、芽菜、酸菜、蒜頭、乾辣椒、花椒、芫荽作湯底，非常惹味。我自己都係比較喜歡用新鮮魚片或者桂花魚來做酸菜魚。重慶口水雞($
餐廳設計以中國紅為主題，中間有個好大嘅紅色中式燈籠大燈同屏風， 設計時尚高貴，充滿中國古典風。 餐廳樓底高，好有空間咁，同朋友傾偈唔會比隔籬位聽到。 今次試咗6款「川味」菜式，唔同嘅餸配搭唔同嘅辣度。 辣得過癮！由前菜、主菜到點甜， 價錢由最低$38去到最高嘅$148，價錢相當親民。
夫妻肺片($88）
廚師刀工非常厲害可以切到牛肚同牛舌都非常之薄，肉質爽嫩彈牙，好吸辣椒汁嘅味。麻辣味道超出，辣度正常唔會搶咗牛嘅味道。
水煮牛肉 （$148）
辣到中間，麻味唔算太強烈。牛肉片感覺用發粉嗱過。 所以牛肉片發到比較脹。 唔算太入味，牛肉同辣椒油發開左。水煮牛肉入面，伴有好多有牙嘅黃豆作配菜。用來作清熱解毒返牛肉同辣椒。
滋味酸菜魚 （$148）
平時食開酸菜魚都係用新鮮魚片或者桂花魚來製作。而該店嘅酸菜魚係用龍利柳來製作。有豆卜、芽菜、酸菜、蒜頭、乾辣椒、花椒、芫荽作湯底，非常惹味。我自己都係比較喜歡用新鮮魚片或者桂花魚來做酸菜魚。
重慶口水雞($118)
雞肉脂肪多過肉，食落去口感好似啫喱。皮爽，肉滑。 淋上熱辣辣嘅紅油喺口水雞表面，加點色彩，紅中帶黃。整條菜，如唔想食太辣，可以唔將口水雞掂紅油。
馳名擔擔面（$68）
麵條拉到好幼，好爽口彈牙。 湯底少少花生味，加入芝麻同花辣油作湯底，辣度適中。 冇四川擔擔麵嗰種超濃同勁辣嘅感覺，比較淡味。
紅糖糍粑 （$38）
第一次食呢一個甜品，原來係四川嘅傳統小吃。 外型似豆卜, 用糯米粉以慢火炸到外脆內軟，加入紅糖同黃豆粉一齊食，感覺新鮮。
Post
