串酒里 (Closed)

星期一忙左成日開會，放工約埋朋友坐低飲杯野聚舊，揀左呢間位於山林道既串燒店，摸住酒杯底食串燒夠哂Chill，餐廳引入火山石燒技術，一於試下佢地既串燒先~🌟鹽燒安格斯牛柳粒識食一定食安格斯牛柳粒，燒得剛剛好又有咬口，口感亦好juicy🌟秘製醬汁香燒豬頸肉佢地既豬頸肉都燒得好好味，豬頸肉好厚身但又好腍，配埋餐廳既秘製醬汁夠惹味🌟川式燒韭菜韭菜好嫩好juicy，好香的孜然味道，正🌟日式汁燒翠玉瓜好香孜然味，燒得好香而且唔會乾🌟蒜蓉燒原條茄子食串燒必食原條茄子，上面鋪滿左木魚碎同蒜蓉粒，茄子肉好軟腍，好好食🌟鹽燒日本甜薯朋友最鐘意食甜薯，呢度既甜薯燒到外面微微鹽香，食落軟滑又香甜