重慶洪鼎火鍋 (Closed)

不嬲都係邊爐控，聽朋友講，呢間位於尖沙咀嘅重慶火鍋店最近有promotion，三個人去減$300 ，四個人去減$400。咁我哋一行三人就預先book咗枱，一於去試試呢間新嘅火鍋店。-因為朋友唔想食辣，所以揀咗養顏木耳雞湯。見佢有好多唔同嘅特色拼盤，有海鮮有肉類，值得一讚係拼盤可以揀半份，咁大家可以試多啲唔同種類嘅嘢。我哋叫咗一個肉類拼盤，包括有美國安格斯牛小排，美國安格斯牛版腱，同埋西班牙黑豚肉。-呢度嘅丸類都唔錯，特別推介係芝心牛肉丸，真係有芝士爆出黎！-呢度環境幾寬敞，帶朋友嚟都幾舒服。