New Daily (Closed)

呢間舖頭主要做生酮飲食外賣，亦有少量普通食品。店外只得一張枱比客人自助用餐。以價錢來講，$70-80一份嘅生酮餐價錢都好合理，特別係對一啲冇時間自己喺屋企下廚嘅人。望入店内，見到有啲擺出嚟嘅醬汁都係keto friendly嘅，就更加食得安心。特別推介係黑松露雞蛋炒杏鮑菇飯，食落去真係好似食緊炒飯咁，而且黑松露好香好足料。牛小排椰菜花飯卷都唔錯，飯卷入面加咗生酮沙律醬、同什椒生菜，中和左牛小排嘅油膩。