龍點心 (中達大廈)

Open Now

Now Closed

以前食過灣仔店已經覺得佢地嘅點心整得靚又好食，原來已經開左幾間分店，今次再食依然覺得好高質！係我私心推介嘅點心舖💖🐉歎世界燒賣拼盤$70燒賣拼盤今季以環遊世界做主題，出左六款唔同口味嘅燒賣。有兩款餡料都包住湯汁，咬嘅時候要小心！有俄式羅宋燒賣，包住羅宋湯嘅牛骨湯汁，甜而香濃。冬蔭公泰辣燒賣包住冬蔭公湯汁，香辣惹味，六款入面我最欣賞呢款。另外四款就係黑松露珍香燒賣、泡菜蒜辣燒賣、黑蒜帶子燒賣同芝士墨魚燒賣，每款各有特色。黑蒜帶子燒賣外型黑金色，有種高級感🤩表面放上黑梅同帶子，甜甜酸酸🐉龍餃子$50一籠四款唔同味道，有酸菜魚鳳眼餃、筍尖蝦餃皇、松露野菌晶瑩餃同蟹粉菠菜香蝦餃。酸菜魚包住酸辣湯汁，味蕾刺激😍推介食蝦餃皇，皮薄蝦肉結實🐉翡翠響鈴腸粉$48腸粉包響鈴呢個配搭都好新穎，除左普通響鈴仲有紫菜響鈴，響鈴keep到脆口，蘸上麻醬食好夾🐉馬拉小籠包$48小籠包皮呈啡色，湯汁帶清清地嘅肉骨茶味道，好特別😋🐉奧力給登頂雪山$88原來而家仲多左雪冰甜品，口感幼細綿密，朱古力味濃，唔同其他冰食到底會淡晒。另加左唔少朱古力夾心曲奇、百力滋同餅乾，一份夠兩個人share！