Video
Read full review
2022-09-23
92 views
今日嚟到尖沙咀iSquare食川菜，呢間川菜真係超人氣啊唔單止嘢食高質，仲可以望到維港海景啊，佢哋嘅菜式都唔算太貴都係一般中菜價錢，但個環境真係非常之好氣氛都好唔錯，平日夜晚佢都滿晒座，咁就知究竟有幾出名同埋幾好食啦🫢🫖八寶茶 (7/10)入面有玄米杞子菊花，好多料，飲落去幾香有少少回甘，美中不足就係越沖越淡。🍴南充酸菜桂花魚 $488 2-3人份 (9.5/10) 另收加一看到一大盆新鮮的酸菜魚例牌都超級大兜，覺得可以3-4人食🤣有好多去骨魚片，酸菜辣椒同埋薯粉！新鮮桂花魚片切得比較厚身，肉質非常滑，好香濃嘅魚味，食得出有鮮味！魚肉食到一塊塊係新鮮魚先會有！酸菜湯以湯底以上湯熬製，加入四川正宗老壇酸菜(老壇酸菜把大白菜及辣椒等配料放在士壇内以泉水自然發酵而成)，味道鹹酸，微微辣，非常之香口，酸菜口感好爽好嫩，好有鮮味！薯粉非常多好軟滑吸汁！真係我食過咁多間最好食最高質嘅酸菜魚！🍴孜然香酥羊腩 $238 (9/10) 另收加一炸到超級香脆，羊味非常濃郁，肉質好淋，仲有帶有少少油脂，油潤嫩滑，食落有油香，但唔會太油膩，個汁用咗辣椒蒜蓉黑醋去調，可以去油膩，好好食！🍓拔絲士多啤梨 $168
今日嚟到尖沙咀iSquare食川菜，呢間川菜真係超人氣啊唔單止嘢食高質，仲可以望到維港海景啊，佢哋嘅菜式都唔算太貴都係一般中菜價錢，但個環境真係非常之好氣氛都好唔錯，平日夜晚佢都滿晒座，咁就知究竟有幾出名同埋幾好食啦🫢
🫖八寶茶 (7/10)
入面有玄米杞子菊花，好多料，飲落去幾香有少少回甘，美中不足就係越沖越淡。
🍴南充酸菜桂花魚 $488 2-3人份 (9.5/10) 另收加一
看到一大盆新鮮的酸菜魚例牌都超級大兜，覺得可以3-4人食🤣有好多去骨魚片，酸菜辣椒同埋薯粉！新鮮桂花魚片切得比較厚身，肉質非常滑，好香濃嘅魚味，食得出有鮮味！魚肉食到一塊塊係新鮮魚先會有！酸菜湯以湯底以上湯熬製，加入四川正宗老壇酸菜(老壇酸菜把大白菜及辣椒等配料放在士壇内以泉水自然發酵而成)，味道鹹酸，微微辣，非常之香口，酸菜口感好爽好嫩，好有鮮味！薯粉非常多好軟滑吸汁！真係我食過咁多間最好食最高質嘅酸菜魚！
🍴孜然香酥羊腩 $238 (9/10) 另收加一
炸到超級香脆，羊味非常濃郁，肉質好淋，仲有帶有少少油脂，油潤嫩滑，食落有油香，但唔會太油膩，個汁用咗辣椒蒜蓉黑醋去調，可以去油膩，好好食！
🍓拔絲士多啤梨 $168 (8/10) 另收加一
造型打卡，非常加分，佢全部都係糖絲好靚，真係要有好好嘅功夫先拉到咁多糖絲，甜甜地好香麥芽味！糖絲係好香脆一絲絲，有少少吉口，好有口感！士多啤梨出面，包咗一層糖膠，非常香脆士多啤梨嘅酸甜中和左個甜味幾好食嘅！食得多有少少膩，多人share會開心啲😆
推薦指數: 9/10
呢度嘅菜式唔係正宗好辣嗰隻川菜，佢都配合左香港人嘅口味變得溫和少少，食都冇咁辛苦，個人唔算太食得辣，但又鍾意食少少辣過吓癮，真係覺得呢間川菜好唔錯，服務態度好好食物環境都好高質，又可以慢慢坐一路望維港夜景一路食飯，非常之推薦呀！
Post
