Kitchen M (Closed)

約咗友人K12:00食lunch行街飲啡食cake，點知11:55先起身－即刻刷牙洗面沖涼飲藥水倒瀉抹地飛的－結果12:45出到尖沙咀餐廳坐低，我都覺得係神助。要咗個西蘭花湯，菜蓉豐富，可以再creamy啲，但餐廳週+自我延伸，食咗好多餐，而家清清地反而幾啱我。鮮蝦意大利飯半生熟，茄味自然，蝦爽口惟鮮味稍遜，味道幾平衡水準不俗。餐飲可選latte仲有拉花，奶泡幾綿密夠啡味，就算比幾十蚊都未必有水準，個餐百幾蚊，餐飲嚟講係滿分。整體味道唔錯，可以再去。