旅鍋火鍋私房菜專門店 (Closed)

旅鍋，位於尖沙咀嘉芙中心地庫，一間佈置相當有特色的餐廳，全店以機場佈置為主題，另有幾間不同國家的VIP 房，相當有趣。餐廳以火鍋為主，湯底選擇非常多，真心推介鮮百合白玉海鮮蟹鍋，材料簡單，一隻蟹，冬瓜，大蜆，但湯底味道鮮甜，打邊爐之前已經飲三碗，蟹肉結實新鮮，超值湯底。餐廳推介潮汕手切牛肉，現時更加半價優惠，真係大碟夾抵食。手切牛脊邊，相當少見，牛肉軟嫩帶有爽脆口感，實在太有趣，必點推介。潮汕牛肉必食牛胸爽，有咬口。手打鮮蝦丸彈牙好食，XO醬鮑魚蝦蝦份量十足材料豐富。