飽飽雲吞麵 (Closed)

聽說雲吞和牛腩粉都好食，今日行完街就過嚟食。牛腩牛雜河，$40超大碗又足料都係$40，勁抵食。牛腩的肉質軟嫩，牛香滿滿。軟林牛肚，牛膀，牛肺，牛腸索晒香濃湯底，加上軟滑河粉，真是完美的搭配！崩沙腩飯，$59肉汁充盈，牛味重，肉同脂肪比例均勻，用埋個腩汁嚟撈飯真係超正。腐乳通菜，$12粉麵加配只係$22 。通菜鮮嫩，搭配腐乳真係無得輸。淨雲吞和淨魚皮餃，各$32大大粒雲吞皮薄餡多，爽口彈牙，魚皮餃的外皮煙韌，內餡肉質彈牙，兩道餃子都是無可挑剔。加杯冰凍解渴嘅凍利賓納和奶茶都只係各$8，超抵食。睇下餐牌，下午茶粉麵只係$30up，仲要包嘢飲，不次再過嚟食🫢