Video
Read full review
2023-09-19
31 views
放咗工同個friend 出尖沙咀食好西😆我哋兩個揀咗大半日，終於決定食日本野，咁就揀左食呢間居酒屋。呢間居酒屋的樓梯裝修得超有氣氛，由牆壁到擺件都好和風，淨係樓梯都已經要喪打卡🤣海鮮漬物拼盤 $168(磯煮鮑魚，東風螺，芥辣八爪魚，鮟鱇魚肝）鮑魚非常軟淋，完全唔韌，一咬就開，除咗食到鮑魚的鮮味，仲食到濃郁的醬油味。東風螺有少少辣，非常惹味。芥辣八爪魚的口感柔軟彈牙，芥辣味唔重，食落唔攻鼻，仲帶起咗八爪魚的鮮甜。鮟鱇魚肝配搭咗柚子醋啫喱，味道酸酸甜甜，口感細滑creamy ，幾乎入口即溶🤤88MM直徑A5和牛球石頭鍋飯 $268呢個石鍋飯上枱時會有專人當面炒開，炒的時候就已經聞到勁香的牛肉味，仲要加埋醬汁一齊炒，勁吸引，望見都想食。石鍋飯食落有香濃的和牛醬汁味，炒飯粒粒分明，但又唔會好乾身，當中仲有大量的和牛粒，幾乎每一匙都有肉。貼住石鍋邊的飯粒脆脆地，但又未去到飯焦的地步，我好鍾意呢種脆脆地的口感😍時令生蠔（買一送一） $128因為個friend 想食，咁買一送一就試吓啦。一上枱忍唔住嘩咗一聲，無諗過隻蠔會咁大隻，又俾張相呃咗，張相完全睇唔出實物會咁大隻🤣生蠔肥美飽滿，非常滑溜，食到有
呢間居酒屋的樓梯裝修得超有氣氛，由牆壁到擺件都好和風，淨係樓梯都已經要喪打卡🤣
海鮮漬物拼盤 $168
(磯煮鮑魚，東風螺，芥辣八爪魚，鮟鱇魚肝）
鮑魚非常軟淋，完全唔韌，一咬就開，除咗食到鮑魚的鮮味，仲食到濃郁的醬油味。
東風螺有少少辣，非常惹味。
芥辣八爪魚的口感柔軟彈牙，芥辣味唔重，食落唔攻鼻，仲帶起咗八爪魚的鮮甜。
鮟鱇魚肝配搭咗柚子醋啫喱，味道酸酸甜甜，口感細滑creamy ，幾乎入口即溶🤤
88MM直徑A5和牛球石頭鍋飯 $268
呢個石鍋飯上枱時會有專人當面炒開，炒的時候就已經聞到勁香的牛肉味，仲要加埋醬汁一齊炒，勁吸引，望見都想食。
石鍋飯食落有香濃的和牛醬汁味，炒飯粒粒分明，但又唔會好乾身，當中仲有大量的和牛粒，幾乎每一匙都有肉。貼住石鍋邊的飯粒脆脆地，但又未去到飯焦的地步，我好鍾意呢種脆脆地的口感😍
時令生蠔（買一送一） $128
因為個friend 想食，咁買一送一就試吓啦。一上枱忍唔住嘩咗一聲，無諗過隻蠔會咁大隻，又俾張相呃咗，張相完全睇唔出實物會咁大隻🤣
生蠔肥美飽滿，非常滑溜，食到有海水味，亦食到蠔本身的鮮甜，真係超滿足🥰
火焰鵝肝A5和牛青蘋果卷 $279
呢個一見到就覺得好吸引，內容太豐富啦！一食果然超好食，和牛同鵝肝呢兩樣食材擺埋一齊配搭非常好，又唔會蓋過對方的味道，食落味道濃郁，各自精彩。卷物當中的青蘋果同青瓜能夠中和牛肉同鵝肝的油膩，成個卷的配搭真係非常出色，我好欣賞。
嚟得居酒屋咁就緊係要飲返杯野happy下，不過我同個friend 都唔飲酒，所以就揀咗兩杯特飲。
紅火龍佛手柑熊茶 $68
呢杯特飲睇落好精緻，顏色非常鮮艷漂亮，仲有舊熊仔冰，飲落有好香濃的柑橘味，亦食到柑橘的果肉，味道都幾甜。
綠茶鮮奶熊脆脆 $68
綠茶味同鮮奶味都非常濃郁，飲落唔算太甜，表面的朱古力脆脆好好食😋
黑木亭居酒屋 (金馬倫道) (尖沙咀)
尖沙咀金馬倫道58-60號國鈀大廈地下至1樓
*上述文章只供參考及以當時價格為準
Post
