清潭韓國餐廳

Open Now

Now Closed

放假過咗海港城行街，但海港城真係好多人，揾個地方食飯都有難度，所以就去左Apple隔離揾食，揾到呢間由韓國人主理嘅精緻韓國料理 — 清潭韓國餐廳。餐廳裝修非常雅致又大氣，室內位置以卡座為主，户外仲有海景同打卡位，整體感覺舒適。全部店員都係韓國人，但用英文、普通話溝通都無問題，服務周到！點完菜就會有韓式小菜上枱，可以慢慢食住等！韓式烤牛肉（$230）份量好多，肉質優良，餐廳嘅爐夠曬熱，烤得恰到好處，口感鮮嫩多汁，配上裝料、蔬菜同白飯一起食用更是美味！海鮮豆腐湯（$130）經典韓式湯品，湯汁清爽鮮美，豆腐入口即化，加上蝦、青口、蟹等海鮮同各款蔬菜，口感豐富。湯品唔會太辣，但味道濃郁，非常適合喜歡海鮮嘅人品嚐。韓拌冷麵（$150）韓拌冷麵是夏日的最佳解暑菜品之一，麵條口感爽滑有嚼勁，拌上辣椒醬、青瓜，味道清新開胃，非常適合在炎炎夏日品嚐。店家的韓拌冷麵做得非常道地。