壽司豐 (Closed)

繼續放假食好西系列，今次嚟到尖沙咀呢間低調鮨店食Omakase，主廚Michael更係前日本首相御廚嘅徒弟，聽落好似幾犀利咁☺️• 豐限定 $1988- 前菜茶碗蒸面頭清澈嘅湯汁係用咗鮑魚慢煮超過三個鐘頭嘅高湯，因此味道特別清甜，而蛋嘅部分都做得好嫩滑，但個人覺得反而有啲太滑唔太實在🤣- 極上の刺身九点北海道馬冀海膽配知內蠔：蠔肉新鮮creamy，裙邊爽甜，配上酸汁係穩陣嘅配搭，海膽味道有少少被酸汁蓋過，其實唔落海膽亦可以😗八爪魚刺身、慢煮鮑魚：好少食到八爪魚刺身，多數食嘅都已經被燙熟。加上少少柚子皮同岩鹽調味，口感較有咬口。慢煮鮑魚則較易咬，鮮味亦好突出，唔錯😚角螺、帆立貝、海鞘：海鞘又名海菠蘿，搭配紫蘇遮蓋其輕微嘅甘苦，帆立貝大粒厚肉，角螺則係我當日刺身中嘅最愛，爽脆清甜，非常好食😳劍魚、大拖羅：兩款魚類都係厚切，啱啱食完刺身部分已經覺得飽飽哋🤰🏻- 極上の寿司八貫九州真鯛 九州間八金目鯛：採用獨特嘅切法，一片魚料當中已包含背同腩位，輕炙引發魚油香味左口魚及左口魚裙邊大拖羅：準確嚟講其實係介乎於中至大拖羅之間嘅位置，肉質細緻亦唔會過份油鯖魚卷海膽：咬落紫菜超脆，但當日海膽唔算甜，稍為