Video
Read full review
2024-04-27
150 views
朋友就嚟結婚，最近成日周圍睇場、佢話睇啱咗呢一間，覺得成個場地冇咩柱位，又長長方樓底夠高，應該擺婚宴會幾靚，但係冇食過佢哋啲嘢食，所以就捉咗我去一齊試下。.第一次嚟到，確實場地就好似佢咁講，夠大擺到好多枱之餘，夜晚嘅尖沙咀景色都好靚，而且有露台可以比客人影相。.餐牌選擇都幾多，晚市時間有各類型嘅套餐、孖寶等等，最近仲有做緊順德菜推介，心大心細想試多啲款式嘅我哋最後就揀咗套餐C，每位398，一共有八道餸，啱晒我哋呢啲想試多款式嘅人。.🥢前菜：星海三小福所謂嘅星海三小福，其實就係蜜汁黑豚肉叉燒、拍蒜青瓜及舟山芝麻海蜇。海蜇厚身彈牙，微辣嘅調味香而不嗆喉；蜜汁黑豚肉叉燒調味香香甜甜，豚肉肥瘦適中；前面兩樣一辣一甜，而青瓜就係以醋及蒜蓉調味，酸酸地幾開胃。.🥣湯品：精選豐料燉湯每位一盅嘅燉湯非常足料，裏面有大量瘦肉薏米及螺頭，清甜清甜的，係類似飲雞精嗰種濃郁感覺。.🦐美極乾煎深海大虎蝦：珍寶size嘅虎蝦質感非常爽彈，蝦膏好甜，近蝦頭嘅位置，咬落去幾乎有食緊龍蝦嘅感覺，加埋美極嘅調味，一人一隻令我哋意猶未盡，基本上食完呢一道餸之後，朋友就confirm咗揀呢一間做結婚場地。.🐖鮮菠蘿拔絲脆皮咕
.
第一次嚟到，確實場地就好似佢咁講，夠大擺到好多枱之餘，夜晚嘅尖沙咀景色都好靚，而且有露台可以比客人影相。
.
餐牌選擇都幾多，晚市時間有各類型嘅套餐、孖寶等等，最近仲有做緊順德菜推介，心大心細想試多啲款式嘅我哋最後就揀咗套餐C，每位398，一共有八道餸，啱晒我哋呢啲想試多款式嘅人。
.
🥢前菜：星海三小福
所謂嘅星海三小福，其實就係蜜汁黑豚肉叉燒、拍蒜青瓜及舟山芝麻海蜇。海蜇厚身彈牙，微辣嘅調味香而不嗆喉；蜜汁黑豚肉叉燒調味香香甜甜，豚肉肥瘦適中；前面兩樣一辣一甜，而青瓜就係以醋及蒜蓉調味，酸酸地幾開胃。
.
🥣湯品：精選豐料燉湯
每位一盅嘅燉湯非常足料，裏面有大量瘦肉薏米及螺頭，清甜清甜的，係類似飲雞精嗰種濃郁感覺。
.
🦐美極乾煎深海大虎蝦：
珍寶size嘅虎蝦質感非常爽彈，蝦膏好甜，近蝦頭嘅位置，咬落去幾乎有食緊龍蝦嘅感覺，加埋美極嘅調味，一人一隻令我哋意猶未盡，基本上食完呢一道餸之後，朋友就confirm咗揀呢一間做結婚場地。
.
🐖鮮菠蘿拔絲脆皮咕嚕肉：
咕嚕肉肉質彈牙，3分肥7分瘦炸皮夠薄，好食得來又唔會覺得佢太邪惡，搭配嘅三色椒同新鮮菠蘿亦是爽脆多汁。
.
🐟碧綠珍菌炒龍躉球：
荷蘭豆冇咩渣，清甜爽脆，菇菌則帶有少少醬油香氣，令到鮮味嘅龍躉球多了幾分蔬菜嘅清新感。
.
🥦蠔皇八頭鮑魚伴西蘭花：
調味係好標準嘅調味，同坊間大部份呢道餸菜嘅調味差不多。但係重點係佢哋嘅用料有明顯食得出幾高質，鮑魚同冬菇本身各自嘅鮮味好突出，果然醬料只係配角，食材嘅本身先係主角，主角揀得好，基本上就會穩陣高質。
.
🥄瑶柱翡翠蛋白炒飯：
好簡單嘅炒飯，但係卻被我們兩個一掃而光，飯粒粒粒分明，軟滑嘅蛋白加上爽脆嘅切粒菜心，微微油潤，但不過於油膩，不錯。
.
🥢紅燒皇子乳鴿$68:
呢個乳鴿係套餐以外，我哋由於見到好多人order，所以忍唔住另外加錢叫嘅，價錢好抵食，本身冇預佢太大隻，點知嚟到成個size比想像中大，乳鴿亦都好厚肉。表面燒得紙薄香脆，裏面嘅肉柔嫩多汁，私心推介，我哋兩個都覺得好好食。
.
🥭精美甜品：
甜品是芒果椰絲奶油卷，佢哋嘅奶油好特別，帶有少少實身，有啲似食緊傳統中式酒樓棉花糖嘅感覺，而且唔會好甜。
Post
