まいど

Open Now

Now Closed

位於尖沙咀韓國街，家庭式經營，木系裝潢，有種温馨感覺。店員中文可能唔太叻，落單就自已寫紙仔比佢。落完單，會送上三碟前菜，每次去都有少少唔同，今次有經典辣泡菜、豆芽同豆角。泡菜應該自家醃，唔會過酸過甜，辣度適中易入口，🔸鐵板炒魷魚五花肉 $168成個小山丘，頗大份。魷魚新鮮彈牙，冇雪藏味。五花肉薄切，肥瘦相簡，表皮動L，感覺充滿膠原蛋白。建議加白飯$15‼️個辣醬拌埋煮腍既洋蔥，餸飯一流。🔸海鮮煎薄餅 $143看似價錢好貴，但有約10吋大，份量比我常見既大一倍。用鐵板上，可以保持温度。餅邊位薄脆，中間鋪滿韭菜，入口軟熟。海鮮主要有魷魚，建議蘸韓式醋醬，主要係醬油加醋，微酸帶鹹，配餅幾夾的。