Bat Boys (Closed)

前幾日同朋友行尖沙咀經過一間睇落好乾淨嘅韓式野🤩 個店主真係Oppa嚟㗎！間野係食韓式熱狗嘅 睇落好吸引啊！🥰-我同朋友各嗌咗一個熱狗🌭同埋一串香腸年糕share😋 我嗌左意式mozzarella味 而朋友就嗌咗法式洋蔥味🤣 佢係用有機蔗糖整 好好味啊！個芝士拉絲好正🤩 可以拉到好長🤣 啱晒我依啲芝士控！ 咬咗啖朋友嘅洋蔥味 個洋蔥醬好好味啊！佢係即叫即製 嗌完之後睇住Oppa即時整㗎！👍🏼 所以個皮好香脆！ 可能因為當地人整 所以同我去韓國旅行食嗰啲係一模一樣味㗎！ 掛住韓國就可以去食住先頂一頂癮🤩♥️ 香腸年糕個醬都好正～係酸酸甜甜小小辣咁😚 下次再嚟探Oppa先🤩