王子牛腩牛雜粉麵專家

Open Now

Now Closed

同朋友喺尖沙咀逛街，行過見到間新開幾光猛嘅粉麵檔，於是入去試吓先，叫咗以下食品:咖哩崩沙腩飯 - 崩沙腩唔係度度都有得食，見到就即刻叫嚟試吓，崩沙腩好新鮮，牛肉味香濃，煮嘅時間亦剛剛好，肉質保留了少許𡁻勁，而筋膜位就煙煙韌韌，一咬就斷，咖哩是港式微辣嘅版本，加上幾嚿薯仔，既送飯亦很滿足。南乳豬手煲 - 豬手炆得軟淋入味，無煮得過鹹或過淋，就咁食或送粉麵、飯都可以。蓮藕煎肉餅飯 - 煎肉餅厚身彈牙，食到蓮藕粒，由於肉餅本身唔多肥肉，雖然是煎，但食落都唔會話好油膩。炸魚皮 - 炸得香脆無油益味，不經不覺就食晒一大碟。炸雞中翼 - 雞中翼size都唔細，外皮炸得鬆脆，肉質嫩滑。炸蝦餅 - 蝦餅蝦肉爽口牙，食到蝦嘅鮮味。油菜 - 生菜爽脆清甜。龍鳳檸樂 - 飲完即係爽晒。熱檸茶 - 飲完解膩一流。熱檸賓 - 加咗檸檬嘅利賓納飲落少咗份甜膩嘅感覺。餐廳食物質素不錯，下次想食崩沙腩嘅時候，會再過嚟幫襯。