好時沙嗲

Open Now

Now Closed

位置超級唔方便，而且裝修枱凳都比較殘舊，但完全唔影響佢嘅味道，而且一啲都唔貴，所以好多打工仔食午餐。*海南雞飯 $55海南雞半邊雞胸半邊雞腿，雞胸肉嚡啲，但整體肉質唔會太乾。雞肉下面亦鋪滿新鮮切絲生菜，雞皮又冇甩皮。雞油同埋皮下脂肪少，所以香味差唔少。海南雞必點嘅三種醬汁都齊晒，薑蓉甜豉油辣汁，味道正常，點汁較濃味，唔點汁都好食。雞湯有幾塊椰菜，但味道一般，似味精湯多啲。餐牌寫飯係蒜蓉飯加雞湯，但蒜味微乎其微，亦冇油飯嘅油香味，反而似雞骨髓飯。炒貴刁 $51其實炒貴刁有啲似甜版乾炒牛河，但冇牛肉，呢個有中式臘肉雞蛋絲芽菜蝦仁等等，醬汁係甜豉油，惹味夠鑊氣，但冇餐牌上寫嘅辣味。炒河粉多數都多油，呢到同樣有呢個問題，食完個碟底有層油。