Video
Read full review
2024-06-29
275 views
突然好想食高質素嘅日本料理🍣見到人氣千層海膽飯即刻要試吓！！！今次揀咗充滿日本風味樓上居酒屋淨係時令刺身推介都令你花多眼亂🐟🦐🦀仲有特色鍋物、串燒、炸物…好難揀！！！小妹又係全部都要😂😂😂🌟鮨一千層海膽飯（大）🌟小妹大力推介必食打卡Able海膽飯！除咗極鮮嘅千層海膽外，下面仲有一層厚厚吞拿魚蓉而且飯量唔算多，係真材實料👍🏻可惜嘅係食唔到佢升級版，好早已經售罄，想食嘅下次要盡早order🥹🥗海葡萄番茄沙律係香港日式餐廳唔係度度都有得食海葡萄，爽脆清新，加埋小蕃茄同埋沙律菜好開胃🦪相生波紋真蠔餐廳推介咗依款生蠔爽口脹卜卜，加埋柚子啫喱喺面好fresh啱晒夏天食🌀🐚活北寄貝魚刺身就成日都食，小妹就較鍾意食爽脆嘅貝類海鮮，揀咗時令活北寄貝，即叫即新鮮切片，偏偏片片都好大塊，鮮甜美味👏🏻🦀甲羅燒居酒屋必點甲羅燒，將鵪鶉蛋黃加入燒蟹膏攪拌，再配薄片多士，唔小心就一口氣食咗幾塊，好濃好惹味！！！🍶辣酒煮蜆一見到咁大隻蜆已經好驚喜，仲要每一隻都脹卜卜，湯底有少少偏辣，都幾刺激，又唔會掩蓋蜆肉嘅鮮味😋🐥明太子雞翼雖然已經好飽，俾明太子吸引忍唔住叫咗燒雞翼，有明太子夾喺雞翼中間，雞翼望落相當肥美，加埋小小
見到人氣千層海膽飯即刻要試吓！！！
今次揀咗充滿日本風味樓上居酒屋
淨係時令刺身推介都令你花多眼亂🐟🦐🦀
仲有特色鍋物、串燒、炸物…
好難揀！！！小妹又係全部都要😂😂😂
🌟鮨一千層海膽飯（大）🌟
小妹大力推介必食打卡Able海膽飯！
除咗極鮮嘅千層海膽外，下面仲有一層厚厚吞拿魚蓉而且飯量唔算多，係真材實料👍🏻可惜嘅係食唔到佢升級版，好早已經售罄，想食嘅下次要盡早order🥹
🥗海葡萄番茄沙律
係香港日式餐廳唔係度度都有得食海葡萄，爽脆清新，加埋小蕃茄同埋沙律菜好開胃
🦪相生波紋真蠔
餐廳推介咗依款生蠔爽口脹卜卜，加埋柚子啫喱喺面好fresh啱晒夏天食🌀
🐚活北寄貝
魚刺身就成日都食，小妹就較鍾意食爽脆嘅貝類海鮮，揀咗時令活北寄貝，即叫即新鮮切片，偏偏片片都好大塊，鮮甜美味👏🏻
🦀甲羅燒
居酒屋必點甲羅燒，將鵪鶉蛋黃加入燒蟹膏攪拌，再配薄片多士，唔小心就一口氣食咗幾塊，好濃好惹味！！！
🍶辣酒煮蜆
一見到咁大隻蜆已經好驚喜，仲要每一隻都脹卜卜，湯底有少少偏辣，都幾刺激，又唔會掩蓋蜆肉嘅鮮味😋
🐥明太子雞翼
雖然已經好飽，俾明太子吸引忍唔住叫咗燒雞翼，有明太子夾喺雞翼中間，雞翼望落相當肥美，加埋小小檸檬汁，好Match🐥
🌟估唔到中等價錢可以食到日本嘅味道，確實有驚喜，而且好多菜式喺香港其他日式餐廳都食唔到，淨係個千層海膽飯就已經要再encore🥰😍🥰
鮨一千層海膽飯（大）
$298
2 views
0 likes
0 comments
辣酒煮蜆
0 views
0 likes
0 comments
活北寄貝
39 views
0 likes
0 comments
甲羅燒
4 views
0 likes
0 comments
Post
