倫哥尚品火鍋私房菜 (Closed)

一早約左好友今晚食飯，佢原來BOOK 左位於尖沙咀加拿分道既倫哥私房菜~  我以為真係食私房菜, 點知原來係食雞煲、海鮮、火鍋! 一坐低, 職員先遞上調味料、爽口木耳、豆角小食，好開胃~然後就黎個刺身拼盤，有三文魚刺身、帆立貝刺身、特大蝦刺身等，仲有原隻蠔皇扣鮑魚, 真心正!!仲有碗候頭菇雞燉湯，湯非常鮮甜，而且用料充足！之後就食雞煲，雞既份量好多，食落雞肉嫩滑多汁，職員話雞肉可以任食，不過我地就唔喇, 因為打邊爐 =] 我地要左個蕃茄薯仔湯底，以下食物都可以任食，包括海蝦、魷魚、蝦滑、墨魚滑、雲吞水餃、響鈴、魚皮、蔬菜！非任食(一次性) 既有粉絲蒸蟶子、蒸蚌仔、象拔蚌BB、牛頸脊、甜品~牛頸脊脂肉質嫩滑，吃落有入口即溶既感覺！個甜品都好唔錯，蛋白燉燕窩，奶味濃郁~OVERALL 員工服務係超細心, 有禮貌! 下次一定會再黎 =]