漁道樂 (Closed)

以前係尖沙咀返工就已經見到呢間居酒屋，今次同朋友係尖沙咀行完街就決定去試下。餐廳裝修貫徹日系裝修，座位都唔少。刺身🎣油甘魚l三文魚l甜蝦刺身好厚切，咬落去好滿足。油甘同三文魚都好肥美，甜蝦爽口又清甜。壽司🍣穴子l左口魚裙邊l三文魚子l三文魚每次食壽司都必點左口魚，鍾意佢輕輕燒完爆油花嘅口感。三文魚子好大粒又唔會腥。穴子好大條，脂肪少肉質，咸香咸香。牛油果軟殼蟹沙律🥗食咁多肉，需要食返個沙律中和下。軟殼蟹份量唔少，都有好多舊，配埋沙律菜食可以解膩。牡蠣和牛🦪牡蠣都大隻，肥美鮮甜。夾埋和牛一起食呢個組合都幾得意。什錦天婦羅🍤上碟時所有食材都棟起擺到扇型咁，好有心思。炸衣好薄身，食落好香脆又無咩油膩感。烏龍燒酌白桃燒酌居酒屋梗係要飲酒，燒酌口感比較滑同清，好易入口。