Video
Read full review
2023-04-25
1356 views
尖沙咀· 一期一會の日式塌塌米相聚MUTA Restaurant📍尖沙咀彌敦道132號美麗華廣場1期地庫B131號舖➰好歌推介「如果我們不曾相遇 你又會在哪裡？ 如果我們從不曾相識 人間又如何運行？」.#如果我們不曾相遇 #五月天➰當日相約朋友去睇五月天演唱會尾場，回想多年嚟佢地無數經典歌曲仍言猶在耳，陪伴左筆者渡過不少成長歲月，如今相隔數年再次有機會睇到現場表演，難免令人唏噓，珍惜每次一期一會嘅時光。.睇演唱會之前當然要醫肚，今日係尖沙咀食完晚飯再搭天星小輪到中環，非常寫意。回到主題，今日推介嘅餐廳位於美麗華商場地庫，地點便利。.依間餐廳一直都係熱門人氣人龍店，餐廳特意劃分一個傳統塌塌米用餐區域，俾客人享受到日式用餐體驗，非常雅緻。其他用餐區域亦顯清新時尚西式Cafe感覺，形成反差，各有特色，相信都會令客人會有一個難忘嘅用餐體驗。.今日下午5點半左右到達，未算繁忙時間，因此有幸安排坐到塌塌米區域，店員貼心提醒可以將鞋放置於石春路上，隨即奉上餐牌及簡介一下招牌熱門菜式，十分好客。➰Small Dish✥月見雞肉棒串 💲88 ⭐️4.1/5⭐️三大串雞肉棒配上鮮艷月見蛋汁，無疑令人垂涎
MUTA Restaurant
📍尖沙咀彌敦道132號美麗華廣場1期地庫B131號舖
➰好歌推介
「如果我們不曾相遇 你又會在哪裡？
如果我們從不曾相識 人間又如何運行？」
.
#如果我們不曾相遇 #五月天
➰
當日相約朋友去睇五月天演唱會尾場，回想多年嚟佢地無數經典歌曲仍言猶在耳，陪伴左筆者渡過不少成長歲月，如今相隔數年再次有機會睇到現場表演，難免令人唏噓，珍惜每次一期一會嘅時光。
.
睇演唱會之前當然要醫肚，今日係尖沙咀食完晚飯再搭天星小輪到中環，非常寫意。回到主題，今日推介嘅餐廳位於美麗華商場地庫，地點便利。
.
依間餐廳一直都係熱門人氣人龍店，餐廳特意劃分一個傳統塌塌米用餐區域，俾客人享受到日式用餐體驗，非常雅緻。其他用餐區域亦顯清新時尚西式Cafe感覺，形成反差，各有特色，相信都會令客人會有一個難忘嘅用餐體驗。
.
今日下午5點半左右到達，未算繁忙時間，因此有幸安排坐到塌塌米區域，店員貼心提醒可以將鞋放置於石春路上，隨即奉上餐牌及簡介一下招牌熱門菜式，十分好客。
➰Small Dish
✥月見雞肉棒串 💲88 ⭐️4.1/5⭐️
三大串雞肉棒配上鮮艷月見蛋汁，無疑令人垂涎三尺食指大動，雞肉棒外皮焦香，內裹有雞軟骨增添口感，再配上滑嫩嘅月見蛋汁，整體層次豐富，十分滋味。
月見雞肉棒串
10 views
0 likes
0 comments
.
➰Main Dish
❀煎海老·蟹肉餅·青芥茉蛋黃醬 💲198 ⭐️4.2/5⭐️
主菜花多眼亂，樣樣都十分吸引，最後揀咗依道亦無令我地失望，一上枱擺盤已經非常吸引，兩隻海老已經預先拆去蝦殼，只需用刀叉輕輕一切已經可以將蝦肉分離，蝦肉彈牙鮮甜，而海老之下係兩塊真材實料嘅蟹肉餅，入口啖啖蟹肉啖啖鮮味，無需沾上醬汁亦已經足夠鮮味，好推介。
煎海老·蟹肉餅·青芥茉蛋黃醬
14 views
0 likes
0 comments
.
➰Risotto
❀壽喜燒牛肉蛋汁燉飯 💲178 ⭐️4.2/5⭐️
店員推薦之一嘅餐廳招牌菜，無一例外都係擺碟十分吸睛奪目，小山丘形狀下層係意大利燉法，中層係壽喜燒牛肉，最頂層當然少不了一隻鮮艷月見蛋黃。同朋友愉快欣賞打卡過後，隨即撈勻蛋黃與牛肉飯，壽喜燒汁配上月見蛋黃無疑係絕配組合，香甜嫩滑交融加上意大利飯嘅咬口質感，壽喜燒牛肉入口亦恰到好處，配搭得非常滋味。
壽喜燒牛肉蛋汁燉飯
8 views
0 likes
0 comments
.
➰Drink
𖥕楓糖肉桂咖啡 💲48 ⭐️4.1/5⭐️
亦係店員推介之一，咖啡上枱已經聞到好香肉桂味，入口香甜，整體溫和。
楓糖肉桂咖啡
12 views
0 likes
0 comments
.
➰總結
餐廳嘅有時尚清新Cafe用餐區域，又有一個別出心裁嘅傳統日式塌塌米環境，用餐環境賞心悅目，係尖沙咀鬧市之中尋覓到一個舒適嘅休憩場所，筆者今日時間所限，否則見到在場客人都有點到好多精緻下午茶即燒吐司等餐點，亦都非常吸引，下次有機會再試。
.
➿➿➿
#MUTA #MUTA_Restaurant
#尖沙咀美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先 #香港美食
#月見雞肉棒串
#煎海老_蟹肉餅_青芥茉蛋黃醬
#壽喜燒牛肉蛋汁燉飯
.
Post
