餓媽家姐 (Moved) New Location

最近熱播Barbie大電影，令到大家都打扮到pink pink，今日途經一睇餐廳名就知玩味十足，就連雞翼都有Barbie Pink。小店主打港台日系創新小食，以外賣為主，店內亦設有吧檯位置，讓食客可以襯熱享用。小食即叫即製，落單前後不到10分鐘，就可以拎得。 ⦁日式鰻魚炒腸粉 $58小店的特色炒腸粉系列都有好多款，我就揀左日式鰻魚做搭配，鰻魚上面灑了芝麻，腸粉質感滑溜，夾有乾蔥，配上日式醬汁甜甜地，味道非常豐富。整體份量充足，我諗一份都可以當一餐。 ⦁炸燒賣、飲品（跟餐）$20燒賣炸得外脆內軟，口感煙煙韌韌。我手多咁點上火龍果醬，味道都幾夾，大家都可以試試。 ⦁極脆拉絲芝士條 $34建議極脆拉絲芝士條要襯熱食，軟身芝士，輕輕咬開，能嚐到軟綿綿的半溶化芝士，芝士香味濃而不膩。 ⦁蒜夠數牛油炸雞中翼 $40雞翼本身炸得香脆，肉質嫩滑，蒜香牛油十足‼️點埋火龍果醬瞬間變做Pink Pink Barbie，火龍果的清新口感，令整體感覺更加飽滿。⦁Barbie Pink酸甜火龍果醬（跟餐）$4火龍果汁味道酸酸甜甜，清新開胃。醬汁是分開裝，可以按個人需要添加，相當貼心。