Video
Read full review
2023-04-21
1398 views
尖沙咀· 藝術與美饌の交融ATUM Restaurant📍尖沙咀河內道18號K11購物藝術館1樓101B號舖➰好歌推介「想得到煙花，馬上有煙花，你未看到嗎?」.#隱形遊樂場 #張敬軒➰最近話題度最高嘅城中熱話非金像獎頒獎典禮莫屬，由開場嘅表演環節以至各獎項花落誰家都引發不少爭議，筆者認為百花齊放百家爭嗚引起嘅迴響令市民大眾更加留意香港電影亦未嘗唔係好事，即使結果不盡如人意，亦慶幸有你我關注。.當然除左電影之外，香港亦有好多唔同藝術展覽值得我地留意，適逢日前與朋友到訪嘅依間餐廳，極盡心思將藝術結合美食，因此想推介一下比大家，餐廳位於尖沙咀站上蓋K11 Art Mall，地點非常方便。.由門面裝潢已經知悉餐廳走藝術風格，牆身樹枝交織出縱橫交錯視覺，加上全店黑白主調嘅簡約氣息令人感覺層次分明，仲有落地大玻璃佈置，可以悠閒欣賞尖沙咀鬧市嘅繁華街景。➰前菜小食店員安排就座後，每枱亦會奉上一籃麵包，新鮮熱辣，入口鬆軟。.✥蝶豆花青檸冰生蠔 💲62 ⭐️4/5⭐️✥熱情果冰生蠔 💲62 ⭐️4/5⭐️兩款生蠔上枱時均有花瓣作點綴，賞心悅目，生蠔第一啖入口咸鮮味濃，但數秒後隨住各自嘅熱情果冰及蝶豆花青檸冰係
尖沙咀· 藝術與美饌の交融
ATUM Restaurant
📍尖沙咀河內道18號K11購物藝術館1樓101B號舖
➰好歌推介
「想得到煙花，馬上有煙花，你未看到嗎?」
.
#隱形遊樂場 #張敬軒
➰
最近話題度最高嘅城中熱話非金像獎頒獎典禮莫屬，由開場嘅表演環節以至各獎項花落誰家都引發不少爭議，筆者認為百花齊放百家爭嗚引起嘅迴響令市民大眾更加留意香港電影亦未嘗唔係好事，即使結果不盡如人意，亦慶幸有你我關注。
.
當然除左電影之外，香港亦有好多唔同藝術展覽值得我地留意，適逢日前與朋友到訪嘅依間餐廳，極盡心思將藝術結合美食，因此想推介一下比大家，餐廳位於尖沙咀站上蓋K11 Art Mall，地點非常方便。
.
由門面裝潢已經知悉餐廳走藝術風格，牆身樹枝交織出縱橫交錯視覺，加上全店黑白主調嘅簡約氣息令人感覺層次分明，仲有落地大玻璃佈置，可以悠閒欣賞尖沙咀鬧市嘅繁華街景。
➰前菜小食
店員安排就座後，每枱亦會奉上一籃麵包，新鮮熱辣，入口鬆軟。
餐包
16 views
0 likes
0 comments
.
✥蝶豆花青檸冰生蠔 💲62 ⭐️4/5⭐️
✥熱情果冰生蠔 💲62 ⭐️4/5⭐️
兩款生蠔上枱時均有花瓣作點綴，賞心悅目，生蠔第一啖入口咸鮮味濃，但數秒後隨住各自嘅熱情果冰及蝶豆花青檸冰係口腔內溶化，淡淡嘅果香即時係口腔回蕩，將兩者融合，感覺非常新鮮，值得一試。
蝶豆花青檸冰生蠔
25 views
0 likes
0 comments
✥無花果沙律·軟芝士·士多啤梨·風乾火腿 💲136 ⭐️4.1/5⭐️
沙律擺盤精緻，色彩繽紛奪目，各式材料交匯之下彷似藝術品般精美，軟芝士搭配風乾火腿嘅咸香，十分滋味，伴碟嘅士多啤梨及無花果亦好清新，開胃之選。
無花果沙律·軟芝士·士多啤梨·風乾火腿
22 views
0 likes
0 comments
➰主菜
❀紅酒燉和牛肋肉·鵝肝醬 💲268 ⭐️4.2/5⭐️
擺盤豐富，牛肋肉燉煮得入味軟稔，一切即開，入口啖啖肉，沾上鵝肝醬更為惹味，非常推薦。
紅酒燉和牛肋肉·鵝肝醬
30 views
0 likes
0 comments
.
❀檸檬橄欖油三文魚·西班牙凍湯果凍·牛油果醬 💲218 ⭐️4.1/5⭐️
三文魚上枱顏色鮮艷，慢煮處理非常滑嫩，入口即溶，橙紅色嘅西班牙凍湯果凍可以當作沾醬一齊入口，增添風味層次。
檸檬橄欖油三文魚·西班牙凍湯果凍·牛油果醬
24 views
0 likes
0 comments
.
➰甜品 & 飲品
𖥕鹹蛋黃雪糕·豆腐雪糕·黑糖腐皮 💲88 ⭐️4/5⭐️
鹹蛋黃雪糕味道新奇有趣，將之分夾至黑糖腐皮一齊入口又係另一番滋味，最後以豆腐雪糕中和平衝，整體完滿。
鹹蛋黃雪糕·豆腐雪糕·黑糖腐皮
13 views
0 likes
0 comments
.
𖥕蘭姆酒咖啡 💲48 ⭐️4/5⭐️
蘭姆酒嘅香甜融入濃厚咖啡，香濃之餘亦帶有淡淡酒香，整體融合唔錯。
蘭姆酒咖啡
27 views
0 likes
0 comments
.
𖥕草莓果粒茶 💲48 ⭐️4/5⭐️
店員細心提示熱荼需要焗煮3分鐘，浸泡之後果香突出，氛郁果酸更加令人開胃。
草莓果粒茶
29 views
0 likes
0 comments
➰總結
餐廳裝潢藝術感十足，每樣食物出品擺盤非常精緻，好適合打卡，而且味道方面亦毫不馬虎，將美感與美食融合，好推薦三五知己情侶到場歡聚。
.
➿➿➿
#ATUM#ATUM_Restaurant
#尖沙咀美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先 #香港美食
#蝶豆花青檸冰生蠔 #熱情果冰生蠔
#無花果沙律_軟芝士_士多啤梨_風乾火腿
#紅酒燉和牛肋肉_鵝肝醬
#檸檬橄欖油三文魚_西班牙凍湯果凍_牛油果醬
#鹹蛋黃雪糕_豆腐雪糕_黑糖腐皮
.
➿
Post
