Video
Read full review
2022-07-22
27 views
估唔到尖沙咀有咁高質嘅food court，裝修都幾靚，起碼一開始唔覺佢係food court，有啲驚喜。唔同一般food court，嚟呢到食野店員係會俾menu你，同埋可以叫佢嚟落單，唔使出去叫。星期四夜晚食人流唔太多，隨便揀個位坐，座位都幾闊落，檯夠大（夠我地叫一檯食物 btw 佢地啲野食都好大碟，好彩張檯夠大姐！）🥘 冬蔭功金邊粉 ($55) 🪄6.7/10金邊粉份量好多，叫得多野，兩個人都唔係好食得晒，啲麵都幾掛湯，索晒啲湯。冬蔭功湯底酸酸甜甜，但一啲都唔會辣（我唔太食得辣，食泰式鳳爪係會辣到流眼淚，但飲呢個湯底基本上唔覺辣，不過都係會流鼻水），好開胃。如果同我一樣唔太食得辣嘅呢個會適合你，但如果中意辣嘅就要考慮下。有三隻蝦，好多雜菜，呢個價錢嚟講絕對抵食。但可能我會比較想蝦仁換做連殼大蝦，賣相靚啲大啖肉啲，價錢貴啲都冇所謂！🥘 手打牛肉青咖哩 ($65) 🪄4.5/10醬汁偏稀，覺得要稠啲，有進步空間。咖喱完全唔辣，但相對地都冇乜咖喱應有嘅香濃，椰香味多。最大敗筆真係太甜了，好難撈飯，我覺得男朋友都一致覺得好似倒瀉椰奶落咖哩咁，所以好遺憾地都相當浪費食物冇食晒……賣相上單
🥘 冬蔭功金邊粉 ($55) 🪄6.7/10
金邊粉份量好多，叫得多野，兩個人都唔係好食得晒，啲麵都幾掛湯，索晒啲湯。冬蔭功湯底酸酸甜甜，但一啲都唔會辣（我唔太食得辣，食泰式鳳爪係會辣到流眼淚，但飲呢個湯底基本上唔覺辣，不過都係會流鼻水），好開胃。如果同我一樣唔太食得辣嘅呢個會適合你，但如果中意辣嘅就要考慮下。
有三隻蝦，好多雜菜，呢個價錢嚟講絕對抵食。但可能我會比較想蝦仁換做連殼大蝦，賣相靚啲大啖肉啲，價錢貴啲都冇所謂！
冬蔭功金邊粉
$55
0 views
0 likes
0 comments
醬汁偏稀，覺得要稠啲，有進步空間。咖喱完全唔辣，但相對地都冇乜咖喱應有嘅香濃，椰香味多。最大敗筆真係太甜了，好難撈飯，我覺得男朋友都一致覺得好似倒瀉椰奶落咖哩咁，所以好遺憾地都相當浪費食物冇食晒……賣相上單睇咖喱唔錯，飯另上，但個飯勁大個，個碟仲大過碟咖哩有啲古怪LOL
但佢都真心有值得讚嘅地方，就係好多牛肉，塊塊都好大塊。而且有好多雜菜，有紅蘿蔔、椰菜花、西蘭花同四季豆，尤其椰菜花同西蘭花煮得啱啱好，唔會淋到爛但又唔會太硬，如果啲咖哩汁好食啲，啲菜花索晒汁真係會好正。
手打牛肉青咖哩
$65
1 views
0 likes
0 comments
手打牛肉青咖哩
$65
1 views
0 likes
0 comments
兩個人要少少地食，叫多啲野，就叫咗個串燒Combo。每樣一串，一次過滿足晒三個願望～肉嘅份量係個小驚喜，比預期中大，兩個人分都唔會好似「攝牙罅」咁，啖啖肉，肉質結實軟熟，唔韌唔乾唔柴，開心。調味上做得唔錯，其他食物其實普遍都偏甜，但串燒呢個算係適中。豬牛雞表現都平均地好，尤其豬肉串燒，出面食好多時，我都係比較唔中意豬，但呢間我覺得豬都幾好食。最後配上花生沙嗲醬，會睇到粒粒花生，不過個醬都係偏甜。
🦐 燒蝦串 ($48/2串) 🪄6.3/10
燒蝦串本身冇乜味，但配特式醬汁意外地非常夾，係甜甜酸酸又帶辣嘅醬汁，入口時唔覺辣，但會有少少後勁。不過有一點我非常疑惑就係燒蝦串到底應該係全熟定半生不熟lol 因為嚟到嘅時候其實啲蝦係有啲啲唔太熟，食落個口感好似食緊玻璃蝦壽司。
串燒Combo
$48
1 views
0 likes
0 comments
我個人最中意呢個燒雞，真係超正！首先肉嘅肉量夠多，睇得出真係足半隻，然後又大隻多肉，肉質嫩滑，係我期望中嘅燒雞，而且夠juicy。個醬汁同串燒蝦嗰個汁係一樣，甜甜酸酸微辣。鋪頭仲好細心咁幫我地切埋。皮唔係全部都脆，雞髀位唔脆，邊邊位先脆，如果皮脆就更正。
泰式燒雞
$148
2 views
0 likes
0 comments
Post
