Video
Read full review
2018-05-29
3670 views
連續多人嘅炎熱天熱，真係搞到個人都無晒活力街都唔想行多步。於是朋友就提議話食韓燒，一於以熱驅熱。起初都覺得佢玩野，但食完呢餐之覺得都真係OK喎。近排正有新餐單－燒烤生米酒套餐，食材都幾豐富同埋包兩杯米酒，所以都唔諗咁多就柯打呢個黎食，唔夠先再加點其他食物。開左爐最先送上嘅就係無限REFILL泡菜蛋／芝士粟米，同埋各種小菜。味道依然清爽可口，就咁食或者同黎配燒肉食都一樣夾味。次次食都一定食幾轉青瓜／腌蘿蔔同泡菜先肯收口。食左幾啖小菜，店員就送上套餐嘅第一道食物：韮菜大根煎餅。蘿蔔切成細絲混入煎餅之中，微微帶出甜味配上香口韮菜，好快就清左大半個餅了。煎餅本身調味唔重，最啱配上泡菜或者跟配嘅醬汁，咁樣食落更滋味。跟餐兩大杯，其實係兩大碗嘅米酒入口酸酸甜甜，酒味唔重但發酵出黎嘅碳酸味令米酒更易入口。邊食燒肉邊嗒返兩淡，暑氣都清左唔少。之後燒肉主角就到了，有春川雞／牛前胸／大蝦／豬頸肉／五花肉及LA骨。兩人份量黎講都算幾多。五花肉肥瘦分明，牛仔骨同豬頸肉都厚切，所以燒起上黎火候都容易掌握一點。最先燒左雞肉先，因為經過腌製所以入口偏甜。雞肉嫩滑軟熟，最好就係燒燶一啲令到邊邊位帶香脆就最正了。LA牛
近排正有新餐單－燒烤生米酒套餐，食材都幾豐富同埋包兩杯米酒，所以都唔諗咁多就柯打呢個黎食，唔夠先再加點其他食物。
泡菜蛋／芝士粟米
47 views
0 likes
0 comments
泡菜
38 views
0 likes
0 comments
韮菜大根煎餅
31 views
0 likes
0 comments
食左幾啖小菜，店員就送上套餐嘅第一道食物：韮菜大根煎餅。蘿蔔切成細絲混入煎餅之中，微微帶出甜味配上香口韮菜，好快就清左大半個餅了。
煎餅本身調味唔重，最啱配上泡菜或者跟配嘅醬汁，咁樣食落更滋味。
生米酒
21 views
0 likes
0 comments
燒烤生米酒套餐
$588
16 views
0 likes
0 comments
之後燒肉主角就到了，有春川雞／牛前胸／大蝦／豬頸肉／五花肉及LA骨。兩人份量黎講都算幾多。五花肉肥瘦分明，牛仔骨同豬頸肉都厚切，所以燒起上黎火候都容易掌握一點。
最先燒左雞肉先，因為經過腌製所以入口偏甜。雞肉嫩滑軟熟，最好就係燒燶一啲令到邊邊位帶香脆就最正了。
LA牛仔骨雖然都腌過，但無雞肉咁甜燒完之後非常易於骨肉分離，配上生菜同泡菜等做成生菜包，油香味會出啲同口感都好嘅。
豬頸肉同五花肉一定要一齊燒同食，因為個油分真係好正，同樣燒到焦香再做成生菜包，中間加粒蒜頭嗰種滋味，食完真係返唔到轉頭，正。
大蝦食落都彈牙，但對比牛肉同豬肉黎講，只可以話呢度唔係你主場。
牛胸肉燒到五成熟就夠了，牛味同油香適中。因為佢油脂同肉嘅比例大約三七之分，過熟除左影響到細嫩口感之外，油脂流失大多都會令佢無咁好食。
韓式花伴飯
$108
14 views
0 likes
0 comments
可能食完燒肉咁濃味嘅食物，所以個伴飯食落寧舍清新，再加上甜口嘅辣醬，真係覺得暑氣消減左一大部分。成個套餐兩個人食啱啱好，啱晒俾咁熱焗嘅天氣搞到無胃口嘅人過黎燒一燒，以熱驅熱。
Post
