榴蓮王 (Closed)

能夠做到專做榴槤甜品，應該都無乜幾多間... 佢哋鋪頭揀選嘅一定係最靚嘅榴槤啦... 今日一試，名不虛傳... 呢度除咗榴槤甜品好食，老闆仲毫不吝嗇，將榴槤知識，都話我知...言談間，老闆仲話俾我知，最原始嘅貓山王，其實係苦㗎... 我話俾老闆知，其實我喺星加坡食過啲貓山王係苦㗎，但我覺得好難食，唔鍾意食... 老闆就係知道無人鍾意食苦嘅貓山王甜品，所以特意引入，又甜又香又濃味嘅貓山王做佢嘅甜品...仲教識我，貓山王嘅編號，係D197... 太好喇，對於我呢個求知欲咁強嘅為食貓，一邊享受美食，一邊學到嘢，實在係非常豐富嘅一晚～