Video
Read full review
2023-02-23
3008 views
經祖祖既IG 知道Jer 再做老闆（之前已經開咗間日本餐廳）今次係一間Cafe，都有諗過安排吓幾時去試一試佢！今日就係吉時啦。星期四平日下晝三點，博佢冇乜人，不過以柳應廷嘅人氣又點會冇人呀⋯⋯好彩比我想像中少。未行到埋去已經見到－整列花牌呵佢新開張，啲花都幾靚嘅～我諗等咗15至20分鐘啊，其實我哋見到入面圍住棵樹嘅－排透明膠櫈其實都冇人坐，唔知點解佢唔安排俾人入坐。我朋友話會唔會係驚俾人坐爛😜出面門口一條長木凳又係唔俾人坐，點解呢？為左唔使等咁耐，我哋Bar枱都照殺！一坐低已經話俾我哋知有邊啲邊啲冇得叫，已經有啲掃興，雖然佢最後都俾返啲抹茶嘢飲我哋揀 結果我哋選擇錯誤嗌咗和牛Sando 同脆炸魷魚圈。食物強差人意😓和牛多士簡直就係嘥咗，和牛竟然有筋😵💫本身我諗住簡單啲用手食件三文治姐，點知唔可以輕易咬斷，個包又烘得太過分，我諗一半價錢就差唔多。乾到一個點魷魚圈－個字形容-乾，炸到落地都亨亨聲，兩樣食物都會令到你個嘴刮到損晒😢當然以上內容只係我哋兩個嘅個人感覺，同埋係對於呢兩種食物當日試完之後嘅感想。我哋冇試過其他食物，所以唔可以一竹篙打一船人。講埋飲品先，由於佢最後都話有返抹茶飲品
星期四平日下晝三點，博佢冇乜人，不過以柳應廷嘅人氣又點會冇人呀⋯⋯好彩比我想像中少。未行到埋去已經見到－整列花牌呵佢新開張，啲花都幾靚嘅～
我諗等咗15至20分鐘啊，其實我哋見到入面圍住棵樹嘅－排透明膠櫈其實都冇人坐，唔知點解佢唔安排俾人入坐。我朋友話會唔會係驚俾人坐爛😜出面門口一條長木凳又係唔俾人坐，點解呢？
為左唔使等咁耐，我哋Bar枱都照殺！一坐低已經話俾我哋知有邊啲邊啲冇得叫，已經有啲掃興，雖然佢最後都俾返啲抹茶嘢飲我哋揀
結果我哋選擇錯誤嗌咗和牛Sando 同脆炸魷魚圈。食物強差人意😓
和牛多士簡直就係嘥咗，和牛竟然有筋😵💫本身我諗住簡單啲用手食件三文治姐，點知唔可以輕易咬斷，個包又烘得太過分，我諗一半價錢就差唔多。乾到一個點
魷魚圈－個字形容-乾，炸到落地都亨亨聲，兩樣食物都會令到你個嘴刮到損晒😢
當然以上內容只係我哋兩個嘅個人感覺，同埋係對於呢兩種食物當日試完之後嘅感想。我哋冇試過其他食物，所以唔可以一竹篙打一船人。
講埋飲品先，由於佢最後都話有返抹茶飲品類，所以所有嗌咗兩杯都有綠茶成份嘅飲品，一杯係抹茶dirty 另一杯就係midnight 🍵! 打卡當然唔少得，不過都係嗰句啦，有啲貴，要成$70 －杯 好欣賞個杯midnight 🍵, 成幅水墨畫咁😍
配合埋佢嘅裝修其實OK嘅外觀上，不過可能佢哋要諗吓日落西斜嘅時候曬住啲食客有啲難搞！🤣啲枱又太細
同埋其實如果俾得食客坐吧枱，就應該對沖嘢飲嗰部份好有信心先啱，但係我哋見到嘅係好似一個新手喺度學緊沖嘢飲咁，雞手鴨腳，咁其實未ready就唔應該開張住先
我好明白可能好多柳柳粉睇到我呢個食評會想打我或者black list 我，我見到有好多都帶埋柳柳粉公仔嚟打卡，不過事實就係事實，我唔可以埋沒良心 😅
和牛Sando
64 views
1 likes
0 comments
Midnight 🍵 Matcha
$70
54 views
0 likes
0 comments
脆炸魷魚圈
47 views
0 likes
0 comments
Matcha Dirty
41 views
0 likes
0 comments
Post
