Video
Read full review
2022-09-10
935 views
再戰貌似粉紅復古雜貨店嘅斯里蘭卡菜𝙃𝙤𝙩𝙖𝙡 𝘾𝙤𝙡𝙤𝙢𝙗𝙤！餐廳最近推岀左多款海鮮菜式，而我今日就係為咗斯里蘭卡泥蟹而黎，但點都估唔到原來星期一二黎食會抵好多！今次嗌嘅泥蟹$588，星期一二限定𝙋𝙇𝘼𝙏𝙀𝘿 𝙈𝙚𝙣𝙪 $328pp 兩個人黎就有同一份量嘅蟹，仲包埋椰奶醬拌青口蜆肉、蟹肉炒餅、香辣薯仔粒等菜式。抵過單嗌好多！家姐上次到訪 已經心思思想要閃令令嘅金色紙袋，今日終於食唔晒比佢幸到！▪️Crabs Galore $588/small (時價)Staff會好貼心咁提供超cute嘅粉紅色圍裙~蟹有四款口味供選擇，今次就揀左Jaffna Carb Kari (同plated menu一樣口味)。餐廳選用斯里蘭卡泥蟹，加入鳥眼辣椒、咖喱粉、椰奶等材料烹調，係傳統斯里蘭卡北部嘅製法呢~ 泥蟹唔會煮得過熟，即使醬汁微辣惹味，依然能夠品嘗到蟹肉嘅鮮嫩，仲幾多肉添▪️Shrimp Kothu $98Kothu係斯里蘭卡好傳統嘅街頭小食！將軟熟嘅薄餅切條，加入蔬菜絲、大量香料等炒成。呢到嘅kothu面頭仲舖左隻超靚嘅太陽蛋。薄餅索左汁之後，口感竟然變得煙韌而唔係腍啤啤，幾得意喎。隱藏其中嘅4隻蝦超
家姐上次到訪 已經心思思想要閃令令嘅金色紙袋，今日終於食唔晒比佢幸到！
▪️Crabs Galore $588/small (時價)
Staff會好貼心咁提供超cute嘅粉紅色圍裙~
蟹有四款口味供選擇，今次就揀左Jaffna Carb Kari (同plated menu一樣口味)。餐廳選用斯里蘭卡泥蟹，加入鳥眼辣椒、咖喱粉、椰奶等材料烹調，係傳統斯里蘭卡北部嘅製法呢~ 泥蟹唔會煮得過熟，即使醬汁微辣惹味，依然能夠品嘗到蟹肉嘅鮮嫩，仲幾多肉添
▪️Shrimp Kothu $98
Kothu係斯里蘭卡好傳統嘅街頭小食！將軟熟嘅薄餅切條，加入蔬菜絲、大量香料等炒成。呢到嘅kothu面頭仲舖左隻超靚嘅太陽蛋。薄餅索左汁之後，口感竟然變得煙韌而唔係腍啤啤，幾得意喎。隱藏其中嘅4隻蝦超鮮超彈牙！但整體都幾辣下，不妨撈埋蛋汁一齊食，濕潤啲又解下辣
▪️Mussels & Clams in Kiri Hodi $188
椰奶醬拌青口蜆肉個湯底超好飲！雖然望落唔係好稠，但飲落好濃好鮮甜，更帶淡淡椰香，配埋烘得超香脆嘅麵包一齊食，無得輸！
蜆肉飽滿無沙，青口火喉同樣岩岩好，肉質嫩滑幾鮮呢！呢道甜甜地完全唔辣架
▪️Egg Hopper $78
又一斯里蘭卡signature美食！圓碗狀嘅薄餅 四圍薄脆，中間鬆軟煙韌 口感有啲少少雞蛋糕。店員教路可以好狂野咁用手摵成細細塊 蘸中間嘅蛋汁又得，蘸 Crabs Galore嘅咖哩汁亦得！得左！
▪️Chilli Potato Fry $58
薯仔粒外脆內綿，其辣度不容小覷，好彩旁邊跟左個甜甜地嘅乳酪醬
Post
