蠔站 (黃金廣場) (Closed)

男朋友好鍾意食蠔，食蠔就梗係成打成打咁食先夠爽，今次特登帶佢嚟呢間Oyster Station蠔站，知道佢哋生蠔有promotion，$10一隻愛爾蘭進口生蠔好抵食，避開咗最多人嘅時間嚟，可以舒舒服服享用，非常滿足！$10愛爾蘭進口生蠔生蠔口感細嫩清爽，礦物味重，鹹甜味道平衡，每隻都係$10，鍾意食生蠔嘅朋友一定要去盡情食呀！四重芝士Pizza用上四種唔同嘅芝士，入口啖啖香濃芝士，芝味十足味道好濃厚，鹹香突出，批邊香脆唔散～黃金軟殼蟹扁意粉一上枱已經聞到勁香鹹蛋味道，黃金鹹蛋醬包裹住炸軟殼蟹，脆口又鮮香，扁意汁頗為掛汁非常有驚喜！