Video
Read full review
2019-10-10
5156 views
韓國前排好流行食九層海鮮塔🦞🦀🐟🦐，一路都好想試，不過無緣飛去韓國食，竟然比我搵到香港-黃埔都有一間專門食海鮮塔，約埋至愛食海鮮嘅朋友仔來拆餐勁嘅，終於可以一嚐口福之慾啦！😚行到門口已經感受到陣陣「韓風🌬」殺到埋身，皆因門口有得比你自助韓服體驗🎎，又可以打卡啦！套餐有三個選擇，鷺梁津海鮮9重海鮮塔🏯、升級版濟洲島10重海鮮塔、景福粥底塔，我哋揀咗個升級版濟洲島10重海鮮塔，每位$468。餐廳以半自助形式，自助吧有沙律🥗、各種調味料、涼拌菜、當然唔少得有泡菜啦、韓式辣炒年糕、蕎麥冷麵、生果🍈🥭、甜品 (日本大福、椰子洋羹、朱古力曲奇慕思、摩天輪糖果🎡)、加$12蚊就可以任飲，有各式各樣罐裝飲品，想飲得健康啲，都有自家製竹蔗茅根同埋自家製袪濕薏米水，味道一啲都唔甜，啱晒怕肥又想飲嘢嘅朋友。坐左無耐，店員先拎咗碟韓式泡菜煎餅嚟，包住少少泡菜食又幾好味噃，煎餅邊邊又夠脆。終於到咗最期待嘅畫面出場啦🤩，店員捧住成座海鮮塔上檯，雖然無9層咁多，但因為每個蒸爐都好高，所以感覺都好澎湃！首先店員會放支溫度計喺個爐度，當去到90幾度就食得啦，睇住個溫度計啲溫度係咁上升，真係好心急🤨、好興奮🥳，終於食得啦
韓國前排好流行食九層海鮮塔🦞🦀🐟🦐，一路都好想試，不過無緣飛去韓國食，竟然比我搵到香港-黃埔都有一間專門食海鮮塔，約埋至愛食海鮮嘅朋友仔來拆餐勁嘅，終於可以一嚐口福之慾啦！😚
行到門口已經感受到陣陣「韓風🌬」殺到埋身，皆因門口有得比你自助韓服體驗🎎，又可以打卡啦！
套餐有三個選擇，鷺梁津海鮮9重海鮮塔🏯、升級版濟洲島10重海鮮塔、景福粥底塔，我哋揀咗個升級版濟洲島10重海鮮塔，每位$468。
餐廳以半自助形式，自助吧有沙律🥗、各種調味料、涼拌菜、當然唔少得有泡菜啦、韓式辣炒年糕、蕎麥冷麵、生果🍈🥭、甜品 (日本大福、椰子洋羹、朱古力曲奇慕思、摩天輪糖果🎡)、加$12蚊就可以任飲，有各式各樣罐裝飲品，想飲得健康啲，都有自家製竹蔗茅根同埋自家製袪濕薏米水，味道一啲都唔甜，啱晒怕肥又想飲嘢嘅朋友。
韓式泡菜煎餅
78 views
0 likes
0 comments
坐左無耐，店員先拎咗碟韓式泡菜煎餅嚟，包住少少泡菜食又幾好味噃，煎餅邊邊又夠脆。
海鮮塔
71 views
0 likes
0 comments
終於到咗最期待嘅畫面出場啦🤩，店員捧住成座海鮮塔上檯，雖然無9層咁多，但因為每個蒸爐都好高，所以感覺都好澎湃！首先店員會放支溫度計喺個爐度，當去到90幾度就食得啦，睇住個溫度計啲溫度係咁上升，真係好心急🤨、好興奮🥳，終於食得啦！😋😋😋
第一層係韓國魚糕花膠串同埋韓國象拔蚌，象拔蚌爽口彈牙，韓國魚糕花膠串加少少豉油調下味仲更加美味；
第二層係泰國海蝦🦐、蒜蓉粉絲日本大元貝，啲蝦又大隻又多膏，好鮮甜，元貝好大粒，配埋蒜蓉粉絲食就perfect match🤗；
第三層係加拿大波士頓龍蝦🦞，啲肉好爽口好新鮮；
第四層係花尾龍躉指天翅🐟、安格斯牛仔骨、大花蛤，花尾龍躉好滑好鮮，安格斯牛仔骨肉質嫩滑又無筋，花蛤大大隻好鮮甜，而且無沙；
最底層係蠔汁大蓮鮑魚同有機蕃薯🍠同粟米🌽，鮑魚好新鮮呀，Q彈的感覺，而有機蕃薯同粟米因為吸晒上層嘅海鮮，味道更加鮮甜。
43 views
0 likes
0 comments
每一層都充滿驚喜... 唔好以為驚喜就咁完，驚喜一浪接一浪，一路食海鮮期間，店員會打鼓通知有新鮮食物送到，有唔同味道嘅炸雞 🐔(蜜糖芥末、韓式辣醬、白松露) 芝士豬肋骨、醬油蝦🦐，醬油鮑魚，每人只限拎一件，行慢啲都無晒！🏃♀️
食完海鮮就試下啲甜品先，特別要介紹椰子洋羹🥥，椰子味濃，仲有陣陣花香味🌸，味道一流，我都忍唔住食左3杯！😋😋😋
真係好豐富嘅一餐，雖然價錢都唔平🤑，拍得住去酒店食自助餐，不過淨係驚喜程度都已經攞晒分，好值得推介！！👍👍👍
Post
