味道樂居酒屋 (河內道) (Closed)

咁岩去開K11 遇正落大雨， 見到呢間居酒屋入黎試下， 裝修都幾有feel，試左幾味， 分享一下。火灼北海道帆立貝蟹膏卷呢個係算成枱最抵食， 蟹膏味濃郁又夾個帆立貝， 一口一件咁食， 一碟6件， 2個人食完都飽左半~缺點係壽司飯偏硬，唔計飯就好好食。明太子雞翼外皮整得幾香口， 水準配呢個價錢都ok。蟹膏醬燒虎蝦呢隻蝦就真係幾好食， 可能因為食材新鮮， 加上燒完出黎非常香口惹味， 但我覺得價錢有點貴~幸福滿滿海膽丼呢碗飯嘅吞拿魚用同海膽份量都夠，都算新鮮，但係飯就偏硬，如果飯可以改善下會好好多， 細細碗，價錢偏貴~白桃燒酎梳打味道有驚喜，清甜香桃味，推薦裝修幾有日本feel總括嚟講性價比一般，服務一般般，晚餐會限時90分鐘。