北海道爐端燒 (Closed)

今日喺尖沙咀開完會之後，同事就帶咗我去食爐端燒，上到去感覺好似去咗日本傳統嘅居酒屋，懷舊嘅裝修同佈置，環境確係唔錯。燒河豚干呢味燒河豚平，外面好似包住蜂蜜一樣，帶甜味，燒到黃金色，就咁食都唔錯。日本生蠔，牡丹蝦刺身日本蠔加上日本醋汁，層次感較豐富。而牡丹蝦size都唔細，食落較爽口，鮮甜，蝦頭仲有好多膏。好味~特上壽司盛係師父發板嘅關係，所以冇特定，大約會有10件，而今次就有海膽/牡丹蝦/三文魚/帶子/阿根廷紅蝦/醋鯖魚/劍魚/章紅魚/大蟹棒/八爪魚。份量都多又新鮮，幾抵食。浜燒活鮑魚，活聖子皇材料非常新鮮，估唔到爐端燒都可以食到浜燒，因為係活海鮮嘅關係，燒嘅時候只需要落少少鹽醬，清酒就已經好鮮味，鮑魚食落彈牙，聖子皇就啖啖肉。要俾個讚~雲呢拿糯米糍雪糕杯呢間餐廳都幾多元化，連甜品都做埋。雪糕杯入面有超香濃蜜瓜糯米糍，栗米片，同忌廉。如果想食唔同類型嘅日本料理呢間餐廳都係一個唔錯嘅選擇。