北海道爐端燒 (Closed)

日本菜除咗生冷嘅魚生刺身同埋熱辣辣嘅炸天婦羅 仲其實有好多唔同嘅類型 爐端燒就係其中之一 今日就去到尖沙咀試下呢一間北海道爐端燒 品嚐正宗嘅日本爐端燒啦燒三文魚腩 外皮燒到好香 魚油十足 而且三文魚腩用上醬漬嘅方法去做 然後再燒 鹹香得黎更帶出海鮮嘅鮮甜味 魚肉好滑溜清酒煮大蜆湯 清酒味好清香 而且除咗大蜆之外仲有小帶子 肉質鮮甜飽滿 配上清酒湯一流稻草燒鹽鰹刺身 師傅將原條鰹魚柳鹽燒 然後再厚切令到鰹魚刺身外圍好似雞肉咁嘅顏色 中間仲係吞拿魚嘅鮮紅色超靚 食落口都好鮮甜 但係魚味略嫌不足三文魚及三文魚子飯 擺盤好靚 三文魚刺身係厚切口感十足 鮮味亦都足夠 三文魚子入味有爆漿嘅感覺 完全唔腥 相對嚟講比較普通甜瓜冰淇淋小丸子 香甜嘅蜜瓜雪糕 再加上又或嘅鮮奶忌廉 同埋密瓜味嘅小丸子 小丸子外皮煙韌有啲似雪米糍