Video
Read full review
2014-09-15
11331 views
星期日我們一家十人到了鹿鳴春食晚飯 , 晚飯目的主要後補中秋節。呢間酒樓我係第一次食 , 係我同事介紹 , 佢話翅好足料 , 好一流 , 所以兩星期前就book 位 , book 六點鐘。一早我以為間酒樓裝修會比較舊 , 但一入去又唔係喎 , 都比較光鮮同乾淨 , 同埋一講留咩名都唔使睇list都已經好快帶到張枱到 。坐定好 , 留意到都坐咗一半客人 , 加人有唔少外國遊客。我地今次選擇食千幾蚊嘅套餐 , 另外叫了一個雞絲粉皮 , 因為怕太多食唔哂。當我地落單時 , 侍應都問一句係咪要起菜 , 怕我地人未齊啲菜一上會變凍 , 呢樣都幾貼心。第一樣上菜係雞絲粉皮 (中) , 粉皮偏軟身 , 麻醬味唔夠濃 , 整體不過不失。蜇皮拼素鵝醬啼 , 起初以為素鵝係豬大腸 , 實在太相似 , 都香口 , 蜇皮無味 , 另一種我無食到。清炒蝦仁 , 睇到似好油 , 但食落唔油同都幾彈牙。椒鹽桂魚 , 炸粉夠薄 , 魚肉夠滑 , 又大條 , 再沾糖醋醬或椒鹽又係另一種食法 砂鍋雞煲翅 , 好明白點解係必食 , 除咗真係好多翅外 , 煲翅嘅雞一般嚟講都會係鞋口 , 但呢一隻煲完後入口係有溶化嘅口感 ,
呢間酒樓我係第一次食 , 係我同事介紹 , 佢話翅好足料 , 好一流 , 所以兩星期前就book 位 , book 六點鐘。
一早我以為間酒樓裝修會比較舊 , 但一入去又唔係喎 , 都比較光鮮同乾淨 , 同埋一講留咩名都唔使睇list都已經好快帶到張枱到 。坐定好 , 留意到都坐咗一半客人 , 加人有唔少外國遊客。
我地今次選擇食千幾蚊嘅套餐 , 另外叫了一個雞絲粉皮 , 因為怕太多食唔哂。當我地落單時 , 侍應都問一句係咪要起菜 , 怕我地人未齊啲菜一上會變凍 , 呢樣都幾貼心。
第一樣上菜係雞絲粉皮 (中) , 粉皮偏軟身 , 麻醬味唔夠濃 , 整體不過不失。
蜇皮拼素鵝醬啼 , 起初以為素鵝係豬大腸 , 實在太相似 , 都香口 , 蜇皮無味 , 另一種我無食到。
清炒蝦仁 , 睇到似好油 , 但食落唔油同都幾彈牙。
椒鹽桂魚 , 炸粉夠薄 , 魚肉夠滑 , 又大條 , 再沾糖醋醬或椒鹽又係另一種食法
砂鍋雞煲翅 , 好明白點解係必食 , 除咗真係好多翅外 , 煲翅嘅雞一般嚟講都會係鞋口 , 但呢一隻煲完後入口係有溶化嘅口感 , 湯都算濃味 , 不過就唔明兩個包點食。
每一碗都有一疏翅 , 正
北京填鴨 , 又一必食 隻鴨唔肥 , 無太多肥膏 , 唔會有油膩感覺 , 薄餅就偏厚少少 , 多吃好飽 , 但真係會忍唔住口 。
北菇扒時蔬 , 沒有太大特別 , 正常口味 , 偏軟身 , 易咬。
花素蒸餃 , 當刻忘記此餸 , 因為太飽啦 , 不過都食咗一件 , 好味 , 因為唔只得菜在內 , 內裏重有粉絲同木耳。
高麗豆沙 , 甜食我至愛 , 雖然睇落多糖 , 但唔太甜 , 一樣唔油膩 , 豆沙香滑 , 都係推仲之選。是日晚餐整體滿足 , 亦好豐富 , 價格超值。
Other Info. :
侍應其實都好好人 , 可能佢地習慣以前啲服務模式 , 說話聽落似無禮貌 , 但佢地都會做關心或滿足客人需要 , 所以有時食飯都要理解
(The above review is the personal opinion of a user which does not represent OpenRice's point of view.)
Post
