一樂冰室

Open Now

Now Closed

訓醒唔想周圍去，落樓下呢間一樂冰室食午餐，屋村茶餐廳黎講算乾淨、全部卡位坐得幾舒服！都唔使等位就入得！食物方面例牌有每日午餐、常餐及散嗌食物！款式都算多.午餐選左咖喱雞扒配太陽蛋濃郁咖喱及微辣口感既咖喱淋左係雞扒上面，雞扒好大塊佔左隻碟一半咁制食落冇雪味呢點好緊要，太陽蛋吉穿左啲蛋黃混合飯食感覺特別正！蕃茄濃湯帶有蕃茄酸甜味、配料有好多薯仔粒.另上雞翼表皮炸到非常香脆，肉質鮮嫩！丹麥多士外層酥脆中間好鬆軟，食落甜甜地！炒蛋份量足炒到剛好夠嫩滑！飲品點左凍咖啡及熱鴛鴦、茶香味濃！唔錯！