天鳥居酒屋

Open Now

Now Closed

呢度應該新開，見佢門口招牌都有張紙未撕開，同老婆行開就試吓啦，見佢都幾旺場，店內環境同香港開嘅日本居酒屋差唔多，但係都幾乾淨企理嘅，夠新淨，帶咗兩個串燒，分別係燒菠蘿，同埋燒杏鮑菇，特別想講下個杏鮑菇，首先係幾好食嘅，食落口感都幾有真肉feel ，同埋呢間居酒屋嘅串燒款都幾多素食揀，素食朋友可以嚟試下，之後就帶咗一個牛肉刷刷鍋，都幾多了，牛肉下便都好多菜，可惜自己燒耐左😂，下次控制返先，我帶多咗個芝士咖喱漢堡扒飯，呢個幾濃味，又夠飽肚，埋單兩位$240 ，性價比都算唔錯，職員服務都幾好，食之前又有比一個一次性嘅口罩袋俾我哋，呢度有一個幾有趣嘅遊戲，我見幾多人玩，就係擲骰仔遊戲，如果贏咗嘅話有梅酒送