一盞燈 (Closed)

深水埗真係愈來愈多cafe，就連舊式屋邨商場都有，而且質素仲唔錯，裝修有特色，坐位非常闊落，環境十分有禪意，幾chill幾relax，味道都唔錯，但價錢稍貴。海鮮青口鮮蝦意大利燴飯材料有青口，鮮蝦，墨魚仔，唔知係咪因為餐廳主題係禪，每樣都係各三件，青口處理得幾乾淨，我平時不喜歡食青口都覺得好味，鮮蝦有蝦味不是平時炒飯用的急凍無味蝦仁，墨魚仔爽口有鮮味，配上creamy又有少少酸甜茄醬的燴飯，味道非常match，份量岩岩好夠又唔會漏。沙律蔬菜夠新鮮，味道不錯。髒髒咖啡白濃幼滑，好飲，不過沒有跟餐飲要單點，所以價錢稍貴。