膳坊

Open Now

Now Closed

今日食頹餐下午茶，基本炒粉麵最易知道餐廳的實力，就叫個星洲炒米睇吓呢間街坊食堂嘅實力。下午茶 星洲炒米 $45上枱時慶幸見到唔係螢光色，正正常咖哩粉嘅黃色，外觀都唔錯，配料有大大舊叉燒條、蝦仁size都唔細，夾起時望落米粉算係爽身嘅。擺落口，有咖哩香味，但完全唔辣，由一個唔食得辣嘅人口中講完全唔辣，可想而知有幾唔辣。問侍應攞左辣椒油加味，多左份辣椒香，但都係繼續係唔辣，我放棄辣嘅追求了。配料OK，算多料，蝦亦爽口，無雪味，唔錯。不過個人覺得星洲炒米一定要乾身先好食，但呢碟實在太油，加上米粉嘅水粉，做唔到乾身嘅效果，第一、二啖食面層果d米粉尚可，但慢慢食到底，越食越油、越食越腍。下午茶包左杯餐飲，叫左熱朱古力，味係OK，正常嘅，但要先過到衞生呢一關，整個杯邊起晒漬，望到都已經…..明白屋邨茶餐廳嘅標準唔應該太苛求，所以自問真係覺得OK咪無問題囉。整體而言，價錢可以接受，食得飽，唔算十分難食。