新南苑雞煲小菜點心 (Closed)

晚飯朋友帶路嚟咗呢度食好味嘅茶餐廳 呢度主打海鮮 雞煲 點心 小菜好多款式 因為我哋早兩日先食完雞煲 所以就試下佢哋另外主打菜式點心同小菜😅😋由黃大仙站行到上嚟十零分鐘 雖然六點幾鐘太陽落咗山 不過都有啲熱坐低即刻叫返支啤酒🍻🥰🥰🥰點心食咗兩款山竹牛肉同埋雞扎 呢兩款點心都比出面點心舖或者酒樓分量都比較大 山竹牛肉一樣大大粒 牛肉味重有咬口而且仲好少有嘅爆汁 正😋😋😋😋😋雞扎嘅份量都比平時大三分一 除咗魚肚有汁之外其他雞肉芋頭珍珠筍連塊腐皮都係偏乾 嗰碟係冇汁 不過味道都ok 比起牛肉呢個就唔差咗少少😋魚湯浸勝瓜木耳蜆肉 魚湯唔腥蜆肉好新鮮分量都多 加埋勝瓜木耳好鮮甜有唔同口感 不過湯底味精重手咗 加返胡椒粉就好好多😋😋😋😋酸辣泡椒煮牛肉 牛肉醃過所以食落口係滑唔鞋 酸菜同泡椒加埋一齊酸酸辣辣食落去好開胃😋😋😋😋整體食物水準中上 下次有機會試埋佢個招牌雞煲先😊