Video
Read full review
2023-03-14
129 views
呢間係位於沙田屋邨裏面嘅雞蛋仔鋪🍳🧇，雞蛋仔同格仔餅都非常岀色，有好多特別嘅雞蛋仔口味，除咗最基本嘅甜味雞蛋仔，仲有鹹味嘅雞蛋仔，例如有最出名嘅「豬柳蛋夾心雞蛋仔」，同埋比我想像中多人叫嘅「手撕雞夾心雞蛋仔」，我由中學嘅時候已經開始食，係一間性價比好高嘅雞蛋仔鋪，價錢親民得嚟，質素都一直keep住水準🥰！由一間隱世店變成喺「雞蛋仔關注組」出晒名嘅一間舖頭，但可惜去到三月下旬就要結業🥺，希望佢可以喺同區繼續做🥹🫶🏻。🍴 豬柳蛋夾心雞蛋仔 ($35) 「鹹食嘅雞蛋仔好特別🫶🏻」本身我個人唔太鍾意食m記嘅豬柳蛋漢堡，所以一開始聽到豬柳蛋x雞蛋仔crosover呢個組合嘅時候，係冇乜好感嘅，但一直以來見到咁多人大讚，我冇理由唔試！然後試之後即刻「嘩」咗一聲！😍首先雞蛋仔外脆內軟，呢個係呢間舖頭嘅基本質素，然後雞蛋仔入邊每一粒都有豬柳粒，加上椒鹽嘅味道，再夾住芝士同煎蛋，成個雞蛋仔嘅味道即刻昇華咗，好有層次感！大推！！🤤😋 美味指數: 8/10💪🏻 健康指數: 5/10—————————————————————🍴 榛子朱古力格仔餅 ($29) 「飽滿嘅感覺 好滿足🧇」榛子朱古力味好濃，再加埋牛油
🍴 豬柳蛋夾心雞蛋仔 ($35)
「鹹食嘅雞蛋仔好特別🫶🏻」
本身我個人唔太鍾意食m記嘅豬柳蛋漢堡，所以一開始聽到豬柳蛋x雞蛋仔crosover呢個組合嘅時候，係冇乜好感嘅，但一直以來見到咁多人大讚，我冇理由唔試！然後試之後即刻「嘩」咗一聲！😍
首先雞蛋仔外脆內軟，呢個係呢間舖頭嘅基本質素，然後雞蛋仔入邊每一粒都有豬柳粒，加上椒鹽嘅味道，再夾住芝士同煎蛋，成個雞蛋仔嘅味道即刻昇華咗，好有層次感！大推！！🤤
😋 美味指數: 8/10
💪🏻 健康指數: 5/10
豬柳蛋夾心雞蛋仔
$35
9 views
0 likes
0 comments
—————————————————————
🍴 榛子朱古力格仔餅 ($29)
「飽滿嘅感覺 好滿足🧇」
榛子朱古力味好濃，再加埋牛油嘅香味，唔可以話好夾，但係鍾意食榛子朱古力同埋牛油嘅就一定鍾意，格仔餅嘅份量都好足，非常厚身，同雞蛋仔一樣都做到外脆內軟嘅感覺，食完之後好有飽足感！🥰
😋 美味指數: 6/10
💪🏻 健康指數: 5/10
榛子朱古力格仔餅
$29
11 views
0 likes
0 comments
—————————————————————
🍴 朱古力夾心雞蛋仔 ($28)
「朱古力控必食🍫」
呢款雞蛋仔可以揀原味/抹茶/朱古力底，身為朱古力控嘅我，個底一定揀返朱古力，中間會有朱古力醬嘅夾心，啲醬多到流晒出嚟，勁邪惡🤣
同格仔餅相比之下，我一定係揀朱古力夾心雞蛋仔！😍佢比起格仔餅更加脆，朱古力底再加朱古力醬，雙重朱古力嘅感受，鍾意食朱古力嘅人一定覺得好幸福！🥰
😋 美味指數: 8/10
💪🏻 健康指數: 5/10
朱古力夾心雞蛋仔
$28
9 views
0 likes
0 comments
Post
