博多拉麵別天神 (Closed)

最近比較鍾意搵啲良心小店嚟食，我終於有機會食到一間屬於香港人嘅拉麵店！呢間別天神拉麵分店位於女人街沙嗲王總店附近，非常方便！門口可以用八達通機嚟買拉麵食，又幾好喎拉麵選擇只有兩款，其中蝦味竟然賣晒所以我同朋友就叫咗兩碗原味加餐，一人試一個小食餐枱前面有貼住教你點樣調教濃味同辣味嘅拉麵， 仲標榜自己係冇味精！夠晒健康小龍蝦沙律要包住紫菜嚟食， 嘩估你唔到咁好味喎！沙律個味道調校得好好，入邊真係有啲龍蝦粒好正餃子煎得外脆內軟，仲要冇豬羶味大大隻好好吃我諗啲碗喺係香港能夠食到最正宗嘅博多拉麵，豬骨湯能夠食得出佢完全冇味精！有浸天然嘅鮮甜味！仲要係我最鍾意嘅瘦叉燒加分糖心蛋你見到佢咁靚都知好食，簡直Perfect ！如果想食得濃味或者辣啲， 極度推介佢枱頭嘅建議，可以加大量嘅辣芽菜同埋蒜頭仲有七味粉，你想有幾濃就有幾濃想飲野嘅話絕對可以試吓餐廳枱頭免費任飲嘅麥茶，好有日本feel