轉角 (Closed)

以前去屯門經常都係食市中心大商場入面嘅餐廳，後來越來越多特色小店進駐屯門嘅地鋪同細商場，今日有屯門人帶路，就嚟到華都商場嘅「轉角」🍛🍝☕️餐廳唔少人都點咗咖喱蛋包飯，炒蛋望落好滑，賣相不俗，但係今日想食下意粉，所以就點咗香蒜白酒蜆肉意粉。🍝香蒜白酒蜆肉意粉($70) 意粉嘅軟硬度適中，蜆肉嘅份量都算幾多，蒜味同白酒嘅味道就唔太明顯，味道較淡，加$18可以配沙律/餐湯同埋飲品☕️，價錢合理👌我同朋友夜晚7點前嚟到只係要等1張枱，一路食一路見到出面越來越多人等位，所以唔想等咁耐就記得早啲嚟喇🕖