Video
Read full review
2017-03-15
4784 views
屯門區食店唔少，小曼谷都算稱得上係屯門名物，有啲住市區嘅朋友都聽過大名，專程入黎食。基本上星期一至日晚市都咁爆場，冇得book位，唔想等嘅話最好6點前到，否則都預期要等一個鐘以上。小曼谷係泰國人開嘅，侍應都係泰國人，雖然全部都識講廣東話，但服務態度好有性格，落單最緊要快狠準。環境方面都唔好有期望，位與位之間逼到你唔能夠想像，如果啱啱shopping完一袋二袋，千其唔去黎，我唔知你啲野放邊。至於食物，真係平到笑，但唔好期望水準好高，呢度多人食主因係價錢貼地，點菜好似放題咁，埋單都唔會嚇親。爽！加上同區又冇乜泰國餐廳，所以長期滿坐。（我知，附近有一間，我覺得又貴啲，又冇咁好食）太耐無食，所以同男朋友都有少少瘋狂，不過我地係食得哂，捧住個肚走。蒜蓉包 $14/5片小小5塊，薄身，脆口，少量蒜蓉牛油，主要點黎送咖哩食。泰式辣鳳爪 $38已經唔知幾耐冇見過咁平嘅泰式鳳爪…酸辣度剛好，唔會太嗆，鳳爪數量以呢個價錢黎講唔算少，洋蔥、配菜入味，要點。串燒 $38/雞、豬呢樣要撞手神，有時會燒得太燶，變相食落較柴，但係睇睇個價錢先啦~今次不俗，雞、豬都燒得香，沙爹汁唔辣，小朋友都食到。泰式炸春卷 $25
基本上星期一至日晚市都咁爆場，冇得book位，唔想等嘅話最好6點前到，否則都預期要等一個鐘以上。
小曼谷係泰國人開嘅，侍應都係泰國人，雖然全部都識講廣東話，但服務態度好有性格，落單最緊要快狠準。
環境方面都唔好有期望，位與位之間逼到你唔能夠想像，如果啱啱shopping完一袋二袋，千其唔去黎，我唔知你啲野放邊。
至於食物，真係平到笑，但唔好期望水準好高，呢度多人食主因係價錢貼地，點菜好似放題咁，埋單都唔會嚇親。爽！加上同區又冇乜泰國餐廳，所以長期滿坐。（我知，附近有一間，我覺得又貴啲，又冇咁好食）
太耐無食，所以同男朋友都有少少瘋狂，不過我地係食得哂，捧住個肚走。
$277
68 views
0 likes
0 comments
小小5塊，薄身，脆口，少量蒜蓉牛油，主要點黎送咖哩食。
蒜蓉包
$14
46 views
0 likes
0 comments
已經唔知幾耐冇見過咁平嘅泰式鳳爪…
酸辣度剛好，唔會太嗆，鳳爪數量以呢個價錢黎講唔算少，洋蔥、配菜入味，要點。
泰式辣鳳爪
$38
36 views
1 likes
0 comments
呢樣要撞手神，有時會燒得太燶，變相食落較柴，但係睇睇個價錢先啦~
今次不俗，雞、豬都燒得香，沙爹汁唔辣，小朋友都食到。
串燒 /雞、豬
$38
138 views
0 likes
0 comments
炸粉唔厚，但春卷皮唔夠脆，可能唔係即做啦，普普通通，唔特別介紹。
泰式炸春卷
$25
75 views
0 likes
0 comments
每次必點，有蝦味，爽口彈牙稱唔上，但食落唔會死實，細細一個，分兩啖，啱好！
泰式炸蝦餅
$42
74 views
0 likes
0 comments
泰式炸蝦餅
$42
23 views
0 likes
0 comments
每次食泰菜都會點椰菜苗，椰菜苗纖維高，幫助消化，而且本身好有菜味，爽口，加上馬拉盞炒，惹味，唔會太鹹
馬拉盞炒椰菜苗
$42
57 views
0 likes
0 comments
黃咖哩唔辣，聞落都幾香，咖哩汁稀身帶甜，但唔夠熱辣辣好扣分。
雞肉唔多，雖然係雪藏野，但唔會鞋、韌 , 配合蒜蓉包或薄餅食會好啲。所以我地冇要到碗飯~
椰汁黃咖哩雞 配白飯
$42
59 views
0 likes
0 comments
西瓜冰18
有真芒果香味，少甜，18蚊，好抵飲！
西瓜味較遜色，糖水多，較甜！
芒果冰、西瓜冰
$18
42 views
0 likes
0 comments
如果你山長水遠入黎食就不必喇，不過一大班人想試下「放題」咁點法，都幾爽！
餐牌：
Post
