Video
Read full review
2023-06-11
153 views
棠記海鮮小廚 • 大排檔風味搬左入深井兩年，今日同老公去左屯門三聖邨食海鮮😍 原來揸車都只係15分鐘，而且泊車非常方便💕 今次揀左棠記，小炒鑊氣十足，店舖提供自來海鮮加工（$75/斤），啤酒仲有買3送1，好啱一大班人去食😆🍍菠蘿咕嚕肉必食菜式👍🏻梅頭豬肉大少剛剛好，外面炸到卜卜脆，裡面肉質嫩滑，掛滿甜酸汁，但又唔會太多太濃再灑一點芝麻夠曬香口。波蘿係原條切粒上，廚師係表面輕輕燒燶，好特別，見到已經好開胃🦐豉油王大蝦最正係可以自己買海鮮比廚房加工，我哋就揀左豉油王整大蝦，非常香口惹味。 有留意到佢專登開邊咁炒，所以特別入味。🤎豉椒炒蜆揀咗老公最鍾意食嘅豉椒炒蜆，蜆肉鮮甜亦唔會有沙，醬汁香濃, 加埋三色椒炒，夠惹味🥬豆豉鯪魚油麥菜 新鮮油麥菜加豆豉鯪魚炒香, 份量夠, 好有媽媽菜嘅感覺亦夠曬穫氣呀！小店只有幾位員工，非常友善亦不時會同客人傾計😆 最正係佢哋仲有玻璃樽可樂，白飯係用陶瓷碗裝住，好鐘意
搬左入深井兩年，今日同老公去左屯門三聖邨食海鮮😍 原來揸車都只係15分鐘，而且泊車非常方便💕
今次揀左棠記，小炒鑊氣十足，店舖提供自來海鮮加工（$75/斤），啤酒仲有買3送1，好啱一大班人去食😆
🍍菠蘿咕嚕肉
必食菜式👍🏻梅頭豬肉大少剛剛好，外面炸到卜卜脆，裡面肉質嫩滑，掛滿甜酸汁，但又唔會太多太濃再灑一點芝麻夠曬香口。波蘿係原條切粒上，廚師係表面輕輕燒燶，好特別，見到已經好開胃
🦐豉油王大蝦
最正係可以自己買海鮮比廚房加工，我哋就揀左豉油王整大蝦，非常香口惹味。 有留意到佢專登開邊咁炒，所以特別入味。
🤎豉椒炒蜆
揀咗老公最鍾意食嘅豉椒炒蜆，蜆肉鮮甜亦唔會有沙，醬汁香濃, 加埋三色椒炒，夠惹味
🥬豆豉鯪魚油麥菜
新鮮油麥菜加豆豉鯪魚炒香, 份量夠, 好有媽媽菜嘅感覺亦夠曬穫氣呀！
小店只有幾位員工，非常友善亦不時會同客人傾計😆 最正係佢哋仲有玻璃樽可樂，白飯係用陶瓷碗裝住，好鐘意
Post
