小茶角 (啟豐商場) (Closed)

小茶角 Tea & Corner📍 屯門湖翠路138號啟豐商場地下1A4號舖同好耐無見嘅舊同事兼好朋友終於約到食早餐，超lucky嘅係今日係佢stay喺屯門嘅last day。由於想同佢一齊睇下海，吹下海風所以揀咗喺屯門碼頭呢間cafe食早餐chill下。💰$28海牛配薯角 🥐🍟呢個海牛其實係吞拿魚粟米牛角包，佢個包唔係勁酥脆嘅牛角包，感覺上無一般嘅咁油同膩。餡料我揀咗比較清新嘅吞拿魚同粟米，加埋中間嘅沙律菜，配薯角就啱啱好！佢嘅薯角好粗好厚實，而且調味剛剛好，唔會太鹹，食哂都無咩罪惡感！💰$19炭焙烏龍奶茶 🥤我另外叫咗杯炭焙烏龍奶茶，微糖正常冰。雖然唔係太飲到炭焙過嘅味道，但奶茶飲完唔會覺得澀口，好順滑，呢個價錢有咁大杯凍飲，無得彈！💰$47雖然店舖門面唔大，座位亦有限，但我哋有幸坐到面向海嘅窗邊位，一邊喺室內睇住個海同雲嘅變化，一邊食住一份好食嘅早餐，呢種生活真係好寫意。