品僖小廚 (Closed)

品僖小廚 (屯門)屯門德政圍15-19號柏苑A座地下8號舖今日同媽咪出街食好嘢👏🏻真係要為呢一間屯門烤魚打call，非常多街坊幫襯，眼見三五知己圍埋一台，吹水食烤魚，小炒，雞煲，你望到都覺得人生一大樂事，咁就睇吓佢有幾好食😋萬州烤魚$288一係唔食，一係就食最貴嘅招牌菜，呢個價位絕對唔會令你失望，普通去街市買條鯇魚都要百幾蚊，依家288整好俾你食，佢仲要係烏江魚，普通街市冇咁容易買到。首先煎到佢皮脆肉嫩，成條魚得一條大骨零骨絲，貼近骨嘅肉特別滑嫩，啲魚皮都係脆口嘅，配料十足，有薯片，大豆芽，雲耳，豆卜，蓮藕，最緊要佢嘅粉皮超級滑滑好食😋食到停唔到口，值得推介。講到服務，老闆同店員極具人情味，招呼客人非常周到，行過嚟幫你剪埋條魚，擔心你食得論盡，啲汁會彈到啲衫，主動比一包新嘅紙巾你用，好食又好傾去邊度搵？凍茶跟餐$10檸茶唔澀口有茶香，解辣一流。